ହାଇଦ୍ରାବାଦ: ଅଧିନାୟକ ରୋହିତ ଶର୍ମା ଆଉ ଏକ ରେକର୍ଡ ସୃଷ୍ଟି କରିଛନ୍ତି । ରୋହିତ ଶର୍ମା ଅନ୍ତର୍ଜାତୀୟ ଦିନିକିଆ ମ୍ୟାଚରେ ଏପର୍ଯ୍ୟନ୍ତ ୨୫୦ ଟି ଛକା ମାରିଛନ୍ତି । ଅନ୍ତର୍ଜାତୀୟ ଦିନିକିଆ ମ୍ୟାଚରେ ଏପର୍ଯ୍ୟନ୍ତ ୨୫୦ ଟି ଛକା ମାରିବାରେ ଭାରତୀୟ ହିସାବରେ ରୋହିତ ଶର୍ମା ହେଉଛନ୍ତି ପ୍ରଥମ କ୍ରିକେଟର । ଗତକାଲି (ମଙ୍ଗଳବାର) ଓଭାଲରେ ଖେଳାଯାଇଥିବା ଇଂଲଣ୍ଡ ବିପକ୍ଷ ମ୍ୟାଚରେ ରୋହିତ ଶର୍ମା ଦମଦାର ବ୍ୟାଟିଂ କରି 58 ବଲରୁ 5ଟି ଛକା ଏବଂ 6ଟି ଚୌକା ମାରି 76 ରନ କରି ଅପରାଜିତ ରହିଥିଲେ । ମଙ୍ଗଳବାର ଖେଳାଯାଇଥିବା ମ୍ୟାଚରେ ଇଂଲଣ୍ଡ ୨୫.୨ ଓଭର ୧୧୦ ରନ କରି ଅଲ ଆଉଟ ହୋଇଥିଲା । ତାର ଜବାବରେ ଭାରତ ୧୮.୪ ଓଭରରେ ୧୧୪ରନ କରିଥିଲା । ଏହି ଦିନିକିଆ ସିରିଜର ପ୍ରଥମ ଦିନିକିଆରେ ବିଜୟ ହାସଲ କରି ଭାରତ ସିରିଜର୧-୦ରେ ଆଗୁଆ ରହିଛି ।
ସେହିପରି ଅନ୍ତର୍ଜାତୀୟ ଦିନିକିଆ ମ୍ୟାଚରେ ଏପର୍ଯ୍ୟନ୍ତ ୨୫୦ ଟି ଛକା ମାରିବାରେ ବିଶ୍ବରେ ରୋହିତ ଶର୍ମା ହେଉଛନ୍ତି ଚତୁର୍ଥ କ୍ରିକେଟର । ପାକିସ୍ତାନର ସାହିଦ ଆଫ୍ରିଦି ଅନ୍ତର୍ଜାତୀୟ ଦିନିକିଆ ମ୍ୟାଚରେ ସର୍ବାଧିକ ୩୫୧ ଟି ଛକା ମାରି ପ୍ରଥମ ସ୍ଥାନରେ ରହିଛନ୍ତି । ସେହିପରି ୱେଷ୍ଟ ଇଣ୍ଡିଜର କ୍ରିସଗେଲ ଅନ୍ତର୍ଜାତୀୟ ଦିନିକିଆ ମ୍ୟାଚରେ ୩୩୧ ଟି ଛକା ମାରି ଦ୍ବିତୀୟ ସ୍ଥାନରେ ରହିଛନ୍ତି । ଶ୍ରୀଲଙ୍କାର ସନଥ ଜୟସୁରିୟା ଅନ୍ତର୍ଜାତୀୟ ଦିନିକିଆ ମ୍ୟାଚରେ ସର୍ବାଧିକ ୨୭୦ ଟି ଛକା ମାରି ତୃତୀୟ ସ୍ଥାନରେ ରହିଛନ୍ତି ।
