ଲାହୋର: ୟୁଏଇରେ ହୋଇପାରେ ସ୍ଥଗିତ ଥିବା ପାକିସ୍ତାନ ସୁପର ଲିଗର 20ଟି ଅବଶିଷ୍ଟ ମ୍ୟାଚ । ପାକିସ୍ତାନ କ୍ରିକେଟ ବୋର୍ଡ ଓ ଲିଗ୍ର 6ଟି ଫ୍ରାଞ୍ଚାଇଜ ଶୁକ୍ରବାର ଭର୍ଚୁଆଲ ମାଧ୍ୟମରେ ୟୁଏଇରେ ଆୟୋଜନ ନେଇ ବୈଠକ କରିଛନ୍ତି ।
ପାକିସ୍ତାନରେ କୋଭିଡ-19 ସଂକ୍ରମଣ ମାମଲା ବୃଦ୍ଧି ପରେ ପିଏସଏଲ ଟୁର୍ଣ୍ଣାମେଣ୍ଟ ମାର୍ଚ୍ଚ 4ରେ ସ୍ଥଗିତ ହେଇଥିଲା । ସଂକ୍ରମଣ ଭୟକୁ ଦୃଷ୍ଟିରେ ରଖି ପିସିବି ଲିଗ୍କୁ ସ୍ଥଗିତ ଘୋଷଣା କରିଥିଲା ।
ପିଏସଏଲର ଷଷ୍ଠ ସଂସ୍କରଣକୁ ଶେଷ କରିବାକୁ ଅନେକ ଆହ୍ବାନ ରହିଛି । ତେବେ ୟୁଏଇରେ ଟୁର୍ଣ୍ଣାମେଣ୍ଟ ଆୟୋଜନ ନେଇ ସମସ୍ତ ପ୍ରୟାସ କରାଯାଉଥିବା କହିଛନ୍ତି ପିସିବି ମୁଖ୍ୟ କାର୍ଯ୍ୟନିବାହୀ ଅଧିକାରୀ ୱାସିମ ଖାନ ।
ବ୍ୟୁରୋ ରିପୋର୍ଟ, ଇଟିଭି ଭାରତ
