କଟକ: ଆସନ୍ତା 10 ତାରିଖରୁ ଆରମ୍ଭ ହେବ ଘରୋଇ କ୍ରିକେଟ ଟୁର୍ଣ୍ଣାମେଣ୍ଟ ରଣଜୀ ଟ୍ରଫି । ଚଳିତ ରଣଜୀ ସିଜିନ ପାଇଁ ଆସନ୍ତାକାଲି (ରବିବାର) ଦଳ ଘୋଷଣା କରିବ ଓଡିଶା କ୍ରିକେଟ ସଙ୍ଘ। ଏନେଇ ଅଙ୍କକଷା ଆରମ୍ଭ କରି ଦେଇଛି OCA । ତେବେ ଟିମ ଚୟନ ପୂର୍ବରୁ 28 ଜଣ ସିନିୟର ଖେଳାଳିଙ୍କୁ ନେଇ ନେଟ ପ୍ରାଟିସ ଆରମ୍ଭ କରିଛି ଓଡିଶା। ଦଳ ଦୀର୍ଘ ଦିନ ପରେ ରେଡ଼ ବଲରେ ଖେଳିବ । ତେଣୁ ଏହାକୁ ନଜରରେ ରଖି ଏକ ମଜଭୁତ ଦଳ ଗଠନ କରିବାକୁ ଲକ୍ଷ୍ୟ ରଖିଛି ଓସିଏ ।
Ranji Trophy Cricket Tournament: ରବିବାର ଘୋଷଣା ହେବ ଓଡିଶା ରଣଜୀ ଟିମ
BCCIର ଚୂଡାନ୍ତ ଖେଳ ସୂଚିରେ ଗ୍ରୁପ ଡିରେ ରହିଛି ଓଡିଶା। ଯେଉଁଥିରେ ମୁମ୍ବାଇ, ସୌରାଷ୍ଟ୍ର ଓ ଗୋଆ ଭଳି ଶକ୍ତିଶାଳୀ ଟିମ ରହିଛନ୍ତି। ତେଣୁ ଏହି 3 ଟିମକୁ ଟ୍ରାକ କରିବା ପାଇଁ ଦଳରେ ଉଭୟ ଅଭିଜ୍ଞ ଓ ନୂଆ ମୁଁହକୁ ସ୍ଥାନ ଦେବା ଲକ୍ଷ୍ୟରେ ରହିଛି ଓସିଏ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
