ଖ୍ରୀଷ୍ଟଚର୍ଚ୍ଚ: କ୍ୟାପଟେନ ଟମ ଲାଥମଙ୍କ ମାରାଥନ ୨୫୨ ରନ୍ରେ ଇଂନିସ ଓ ବୋଲରଙ୍କ ପ୍ରଭାବୀ ପ୍ରଦର୍ଶନ ବଳରେ ବାଂଲାଦେଶ ବିପକ୍ଷ ଦ୍ବିତୀୟ ଟେଷ୍ଟରେ ଦୃଢ ସ୍ଥିତିରେ ନ୍ୟୁଜିଲାଣ୍ଡ । ଦ୍ବିତୀୟ ଦିନ ଖେଳ ଶେଷ ସୁଦ୍ଧା ବାଂଲାଦେଶ ୧୨୬ ରନ୍ର ଅଲଆଉଟ୍ ହୋଇଛି । ଫଳରେ ନ୍ୟୁଜିଲାଣ୍ଡ ୩୯୫ ରନ୍ର ପ୍ରଥମ ଇଂନିସ ଅଗ୍ରଣୀ ଲାଭ କରିଛି । ଘରୋଇ ଟିମ ପକ୍ଷରୁ ଟ୍ରେଣ୍ଟ ବୋଲ୍ଟ ୫ ୱିକେଟ ହାସଲ କରିଛନ୍ତି ।
ଏହାମଧ୍ୟ ପଢନ୍ତୁ: କେପ୍ ଟାଉନ୍ରେ କ୍ୟାପଟେନ କୋହଲିଙ୍କ ଉପରେ ନଜର, ଐତିହାସିକ ଟେଷ୍ଟ ସିରିଜ ବିଜୟ ଲକ୍ଷ୍ୟରେ ଭାରତ
୫୨୧ ରନ୍ ପଛରେ ଥିବା ବାଂଲାଦେଶ ଘୋର ବ୍ୟାଟିଂ ବିପର୍ଯ୍ୟର ସାମ୍ନା କରିଥିଲା । ଦଳୀୟ ସ୍କୋର ମାତ୍ର ୨୭ ଥିବାବେଳେ ଅଧାଖେଳାଳି ଆଉଟ୍ ହୋଇ ପାଭିଲିଅନ ଫେରିଯାଇଥିଲେ । ଟ୍ରେଣ୍ଟ ବୋଲ୍ଟ ୩ଟି ୱିକେଟ ଓ ଟିମ ସାଉଦୀ ୨ଟି ଶୀକାର କରି ଭ୍ରମଣକାରୀ ଟିମର ବ୍ୟାଟିଂ ମେରୁଦଣ୍ଡ ଭାଙ୍ଗି ଦେଇଥିଲେ ।
ଏହାପରେ ୟାସିର ଅଲି ଓ ନାରୁଲ ହସନ ଷଷ୍ଠ ୱିକେଟ ଯୋଡିରେ ୬୦ ରନ୍ ଯୋଡିଥିଲେ । ମାତ୍ର ୪୧ ରନ୍ରେ ବ୍ୟାଟିଂ କରୁଥିବା ସମୟରେ ହସନଙ୍କୁ ଟିମ ସାଉଦୀ ଆଉଟ୍ କରିବା ସହ ଭାଗିଦାରୀ ଭାଙ୍ଗିଥିଲେ । ଫଳରେ ବାଂଲାଦେଶ ୮୬/୬ରେ ପହଞ୍ଚିଥିଲା ।
ମେହେଦୀ ହସନ ପରେ ୟାସିର ଅଲୀ ମିଶି ସପ୍ତମ ୱିକେଟ ଯୋଡିରେ ୨୨ ରନ୍ ଯୋଡିଥିଲେ । ତେବେ ଏହାପରେ ଟସକିନ ଅହମ୍ମଦଙ୍କୁ ଜେମିଏସନ ଆଉଟ୍ କରିବା ପରେ ୫୦ ଓଭର ମଧ୍ୟରେ ଅଲଆଉଟ୍ ହୋଇଥିଲା । ଷ୍ଟମ୍ପ୍ସ ଅପସାରଣ ପୂର୍ବରୁ ୫୫ ରନ୍ର ଅର୍ଦ୍ଧଶତକୀୟ ଇଂନିସ ଖେଳିଥିବା ୟାସିର ଅଲୀଙ୍କୁ ଶେଷ ୱିକେଟ ଭାବେ ଜେମିଏସନ ଆଉଟ୍ କରିଥିଲେ ।
ସଂକ୍ଷିପ୍ତ ସ୍କୋର: ନ୍ୟୁଜିଲାଣ୍ଡ ୫୨୧/୬(ଟମ ଲାଥମ, ଡେଭନ କନୱେ ୧୦୯; ସୋରିଫୁଲ ଇସଲାମ ୨-୭୯); ବାଂଲାଦେଶ ୧୨୬ ଅଲଆଉଟ୍(ୟାସିର ଅଲୀ ୫୫, ନାରୁଲ ହସନ ୪୧; ଟ୍ରେଣ୍ଟ ବୋଲ୍ଟ ୫-୪୩) ।
ANI
