ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ପୂର୍ବତନ କ୍ରିକେଟର ଅଲରାଉଣ୍ଡର ଯୁବରାଜ ସିଂହ ଏମ୍ଏସ୍ ଧୋନୀଙ୍କ ସହ ତାଙ୍କ ସମ୍ପର୍କକୁ ନେଇ କିଛି ଖୁଲାସା କରିଛନ୍ତି । ଏକ ଟକ ଶୋ'ରେ ସେ କହିଛନ୍ତି ମୁଁ ଓ ଏମ୍ଏସ୍ ଧୋନୀ ଘନିଷ୍ଠ ବନ୍ଧୁ ନୁହେଁ । ଆମେ କେବଳ କ୍ରିଟେକ ପାଇଁ ବନ୍ଧୁ । କାହିଁକି ଏମିତି କହିଲେ ଯୁବରାଜ । ଧୋନୀ ଓ ଯୁବରାଜ ସିଂହଙ୍କ ମଧ୍ୟରେ କିଛି ମନମାଳିନ୍ୟ ହୋଇଛି କି । କାହିଁକି ଏପରି କହିଲେ ଯୁବରାଜ ସିଂହ ତାହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି ।
ଏକ ଟକ ଶୋ'ରେ ଯୁବରାଜ କହିଛନ୍ତି, "ମୁଁ ଏବଂ ମାହି ଘନିଷ୍ଠ ବନ୍ଧୁ ନୁହଁ । କେବଳ କ୍ରିକଟେ ପାଇଁ ଆମେ ବନ୍ଧୁ । କ୍ରିକେଟ ପାଇଁ ଏକାଠୀ ଖେଳୁ । ମାହିଙ୍କ ଜୀବନଶୈଳୀ ସମ୍ପୂର୍ଣ୍ଣ ଅଲଗା, ତେଣୁ ଆମେ କେବେ ଘନିଷ୍ଠ ବନ୍ଧୁ ନଥିଲୁ । ଯେବେ ମୁଁ ଓ ଏମଏସଡି ମୈଦାନକୁ ଓହ୍ଲାଇଥାଉ ଏକାଠି ଦେଶ ପାଇଁ 100 ପ୍ରତିଶତ ଦେଇଥାଉ । ସେ ଅଧିନାୟକ ଥିଲେ । ମୁଁ ଉପଅଧିନାୟକ । ତୁମେ ଯେବେ ଅଧିନାୟକ ଓ ଉପଅଧିନାୟକ ଅଛ ନିଷ୍ପତ୍ତିରେ ପ୍ରାର୍ଥକ୍ୟ ଅସିବ । ବେଳେବେଳେ ସେ ଏପରି ନିଷ୍ପତ୍ତି ନିଅନ୍ତି ଯାହାକୁ ମୁଁ ପସନ୍ଦ କରିନଥାଏ । କେବେକେବେ ସେ ମୋ ନିଷ୍ପତ୍ତିକୁ ସମର୍ଥନ କରନ୍ତି ନାହିଁ । ଏହା ପ୍ରତ୍ୟେକ ଦଳରେ ହୋଇଥାଏ ।"
ସେ ଆହୁରି କହିଛନ୍ତି, "ଯେବେ ମୁଁ ମୋର କ୍ରିକେଟ କ୍ୟାରିୟରର ଶେଷ ପର୍ଯ୍ୟାୟରେ ଥିଲି ସେବେ ସଠିକ ନିଷ୍ପତ୍ତି ନେଇ ପାରିନଥିଲି । ମୁଁ ତାଙ୍କ ସହ କଥା ହୋଇ ପରାମର୍ଶ ମାଗିଥିଲି । ସେ ଏକମାତ୍ର ବ୍ୟକ୍ତି ଯିଏକି କହିଥିଲେ ଚୟନ କମିଟି ତମକୁ ସୁଯୋଗ ଦେବା ନେଇ ଚିନ୍ତା କରୁନାହିଁ । ସେହିଠାକୁ ମୁଁ ଜଣଙ୍କଠୁ ମୋର କ୍ୟାରିୟରର ପ୍ରକୃତ ଚିତ୍ର ଜାଣିବାକୁ ପାଇଲି । ଏହା 2019 ବିଶ୍ବକପ ପୂର୍ବରୁ ହୋଇଥିଲା । ଏହି ହିଁ ବାସ୍ତବତା ।"
ଏହା ବି ପଢନ୍ତୁୟ...ଧୋନି ଓ କୋହଲି ମୋ ପୁଅ ସହ ବିଶ୍ବାସଘାତକତା କରିଛନ୍ତି: ଯୋଗରାଜ ସିଂହ
ଯୁବରାଜ ସିଂହ ଯିଏକି ସିକ୍ସର କିଙ୍ଗ ଭାବରେ ଜଣାଶୁଣା । 2007 ଟି-ଟ୍ବେଣ୍ଟି ବିଶ୍ବକପ୍ ଏବଂ 2011 ବିଶ୍ବକପ ବିଜୟରେ ଗୁରୁତ୍ବପୂର୍ଣ୍ଣ ଭୂମିକା ତୁଲାଇଥିଲେ ଯୁବରାଜ । ମହେନ୍ଦ୍ର ସିଂହ ଧୋନୀଙ୍କ ଅଧିନାୟକତ୍ବରେ 2011ରେ 28 ବର୍ଷ ପରେ ଭାରତ ବିଶ୍ବ ବିଜୟୀ ହୋଇଥିଲା । ଉଭୟ ଯୁବରାଜ ଏବଂ ଧୋନୀ ମ୍ୟାଚ୍ ଫିନିସ୍ ଦକ୍ଷତା ପାଇଁ ଜଣାଶୁଣା ଥିଲେ । ପୂର୍ବତନ ଅଲରାଉଣ୍ଡର ଯୁବରାଜ ସିଂହ କହିଛନ୍ତି ଯେ ଗୋଟିଏ ଦଳରେ ଥିବା ସତ୍ତ୍ବେ ଆମ ଜୀବନଶୈଳୀ ଅଲଗା ଥିଲା, ଏଥିପାଇଁ ଆମେ କେବେ ଘନିଷ୍ଠ ବନ୍ଧୁ ହୋଇପାରିନାହୁଁ ।
ଯୁବରାଜ ସିଂହ 2007 ଟି-ଟ୍ବେଣ୍ଟି ଓ 2011 ବିଶ୍ବକପ୍ ମ୍ୟାଚ୍ରେ ଗୁରୁତ୍ବପୂର୍ଣ୍ଣ ଭୂମିକା ତୁଲାଇଥିଲେ । ମହେନ୍ଦ୍ର ସିଂହ ଧୋନୀ ଦଳର ନେତୃତ୍ବ ନେଇଥିଲେ । ଦୁଇ ଖେଳାଳି ହ୍ବାଇଟ ବଲ ଫର୍ମାଟରେ ବେଷ୍ଟ ଫିନିସର ଭାବେ ଜଣାଶୁଣା ଥିଲେ ।
