ମୁମ୍ବାଇ: ଆଇପିଏଲର 14ତମ ସଂସ୍କରଣର 15ତମ ମୁକାବିଲା ବୁଧବାର ସନ୍ଧ୍ୟାରେ କୋଲକାତା ନାଇଟ ରାଇଡର୍ସ ଓ ଚେନ୍ନାଇ ସୁପର କିଙ୍ଗ୍ସ ମଧ୍ୟରେ ଖେଳାଯାଇଥିଲା । ଏହି ମ୍ୟାଚରେ ଧୀମା ବୋଲିଂ ପାଇଁ କେକେଆର କ୍ୟାପଟେନ ଇଆନ ମୋର୍ଗାନ ଦଣ୍ଡିତ ହୋଇଛନ୍ତି । ମୋର୍ଗାନଙ୍କ ଉପରେ 12 ଲକ୍ଷ ଟଙ୍କା ଜୋରିମାନା ଲାଗିଛି ।
ଆଇପିଏଲ ମିଡିଆ ବିଜ୍ଞପ୍ତିରେ, ଆଇପିଏଲର ଆଚରଣ ବିଧି ଅନୁଯାୟୀ ନ୍ୟୁନତମ ଓଭର ରେଟ୍ ଅପରାଧ ସମ୍ବନ୍ଧିତ ଟିମର ଏହା ପ୍ରଥମ ଅପରାଧ । ଏହାକୁ ଦୃଷ୍ଟିରେ ରଖି କ୍ୟାପଟେନ ମୋର୍ଗାନଙ୍କ ଉପରେ 12 ଲକ୍ଷ ଟଙ୍କାର ଜୋରିମାନା ଲାଗିଛି ।
ଚେନ୍ନାଇ ସୁପର କିଙ୍ଗ୍ସ ଟସ ହାରିବା ପରେ ପ୍ରଥମେ ବ୍ୟାଟିଂ କରି 220 ରନର ବିଶାଳ ସ୍କୋର କରିଥିଲା । ଜବାବରେ 19.1 ଓଭରରେ କେକେଆର 202 ରନ୍ରେ ଅଲଆଉଟ ହୋଇଯାଇଥିଲା । ବର୍ଷ 2012 ପରେ ୱାଙ୍ଖଡେରେ କୋଲକାତାକୁ ଗୋଟିଏ ବି ବିଜୟ ମିଳିନାହିଁ ।
ପାଟ୍ କମିନ୍ସ ଅପରାଜିତ 66, ଆନ୍ଦ୍ରେ ରସେଲଙ୍କ 54 ରନ୍ର ବିସ୍ଫୋରକ ଇଂନିସ ସତ୍ତ୍ବେ 18 ରନ୍ରେ ପରାସ୍ତ ହୋଇଥିଲା ଟିମ ।
ଚେନ୍ନାଇର ଏହା 4ଟି ମ୍ୟାଚରୁ 3ୟ ବିଜୟ । ଏଥିସହ 6 ପଏଣ୍ଟ ସହ ପଏଣ୍ଟ ଟେବୁଲର ଶୀର୍ଷରେ ପହଞ୍ଚିଯାଇଛି ଧୋନିଙ୍କ ସିଏସକେ । ଅନ୍ୟପଟେ କୋଲକାତାକୁ 4ଟି ମ୍ୟାଚରୁ 3ଟି ପରାଜୟର ମୁହଁ ଦେଖିବାକୁ ମିଳିଛି । ଦୁଇ ପଏଣ୍ଟ ସହ ତାଲିକାର ଷଷ୍ଠ ସ୍ଥାନରେ ସନ୍ତୁଷ୍ଟ ରହିଛି କେକେଆର ।
ବ୍ୟୁରୋ ରିପୋର୍ଟ, ଇଟିଭି ଭାରତ
