ମୁମ୍ବାଇ: IPL 2022ର ୩୧ତମ ମ୍ୟାଚ୍ରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷରେ ଲକ୍ଷ୍ନୌ ସୁପର ଜିଆଣ୍ଟ୍ସର ଅଧିନାୟକ କେ.ଏଲ ରାହୁଲଙ୍କ ଆଚରଣ ବିଧି ଉଲ୍ଲଂଘନ କରିଥିବା ଅଭିଯୋଗ ହୋଇଛି । ଏଥିପାଇଁ ରାହୁଲଙ୍କ ୨୦ ପ୍ରତିଶତ ମ୍ୟାଚ୍ ଫିସ୍କୁ କାଟି ଦିଆଯାଇଛି । ଅଲ୍ରାଉଣ୍ଡର ମାର୍କସ ଷ୍ଟୋନିସ୍ଙ୍କୁ ମଧ୍ୟ ଦୋଷୀ ସାବ୍ୟସ୍ତ କରିଛନ୍ତି ମ୍ୟାଚ୍ ରେଫରୀ ।
ଆଚାର ସଂହିତାର ସେ ଲେବଲ-୧ ନିୟମ ଉଲ୍ଲଂଘନ କରିଛନ୍ତି । କେ.ଏଲ୍ ରାହୁଲଙ୍କ ସହ ଲକ୍ଷ୍ନୌର ବିଦେଶୀ ଅଲ୍ରାଉଣ୍ଡର ମାର୍କସ ଷ୍ଟୋନିସ୍ଙ୍କୁ ତାଗିଦ କରାଯାଇଛି । କେ.ଏଲ୍ ରାହୁଲଙ୍କ ସହ ମାର୍କସ ଷ୍ଟୋନିସ ମଧ୍ୟ ନିଜ ଭୁଲ୍ ସ୍ବୀକାର କରି ସାରିଛନ୍ତି ।
RCB ବିପକ୍ଷରେ LSG 18 ରନ୍ରେ ପରାଜିତ ହୋଇଥିଲା । RCB ଅଧିନାୟକ ଫାଫ୍ ଡୁ ପ୍ଲେସିସ୍ଙ୍କ ଲଢ଼ୁଆ ଇନିଂସ ବଳରେ ବାଙ୍ଗାଲୋର ୨୧୭ ରନ୍ କରିଥିଲା । ଜବାବରେ ଲକ୍ଷ୍ନୌ ଦଳ ୨୧୦ ରନ୍ ହିଁ କରି ପାରିଥିଲା । ବର୍ତ୍ତମାନ ପଏଣ୍ଟ ଟେବୁଲରେ ଲକ୍ଷ୍ନୌ ଚୁତର୍ଥ ସ୍ଥାନରେ ଥିବାବେଳେ ବାଙ୍ଗାଲୋର ଦ୍ବିତୀୟ ସ୍ଥାନରେ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
