ଦୁବାଇ: ଟି-୨୦ ବିଶ୍ବକପର ସୁପର ୧୨ ଗ୍ରୁପ ୧ ରେ ମଙ୍ଗଳବାର ଦକ୍ଷିଣ ଆଫ୍ରିକା ଓ ୱେଷ୍ଟଇଣ୍ଡିଜ ମଧ୍ୟରେ ମୁକାବିଲା ଜାରି ରହିଛି। ଟସ୍ ଜିତି ଦକ୍ଷିଣ ଆଫ୍ରିକା କ୍ୟାପଟେନ ତେମ୍ବା ବାଭୁମା ପ୍ରଥମେ ବୋଲିଂ ନିଷ୍ପତ୍ତି ନେବାପରେ, ନିର୍ଦ୍ଧାରିତ ୨୦ ଓଭରରେ ୱେଷ୍ଟଇଣ୍ଡିଜ ୮ ୱିକେଟ ହରାଇ ୧୪୩ ରନ୍ ସଂଗ୍ରହ କରିଛି । ଫଳରେ ଦକ୍ଷିଣ ଆଫ୍ରିକା ସାମ୍ନାରେ ୧୪୪ ରନ୍ର ବିଜୟ ଲକ୍ଷ୍ୟ ରହିଛି ।
ଇଣ୍ଡିଜ ପକ୍ଷରୁ ଓପନର ଇଭିନ ଲିୱିସ ସର୍ବାଧିକ ୫୬ ରନ୍ର ଇଂନିସ ଖେଳିଛନ୍ତି । ୩୫ ବଲ୍ରୁ ୩ଟି ଚୌକା ଓ ୬ଟି ଛକା ସହାୟତାରେ ୫୬ ରନ୍ର ଅର୍ଦ୍ଧଶତକୀୟ ଇଂନିସ ଖେଳିଛନ୍ତି । ତେବେ ଲିୱିସଙ୍କୁ ଅନ୍ୟ କୌଣସି ବ୍ୟାଟରଙ୍କ ସାଥ୍ ମିଳିନଥିଲା । କ୍ୟାପଟେନ କିରଣ ପୋଲାର୍ଡ ୨୦ ବଲ୍ରୁ ୨୬ ରନ୍ର ଇଂନିସ ଖେଳିଥିଲେ । ସିମନ୍ସ ୧୬ ଓ କ୍ରିସ୍ ଗେଲ୍ ମାତ୍ର ୧୨ ରନ୍ କରିଛନ୍ତି।
ଅନ୍ୟପଟେ ଦକ୍ଷିଣ ଆଫ୍ରିକା ପକ୍ଷରୁ ପ୍ରିଟୋରିସ ସର୍ବାଧିକ ୩ଟି ୱିକେଟ ଅକ୍ତିଆର କରିଛନ୍ତି । ରବାଡା, ନର୍କିୟାଙ୍କୁ ଗୋଟିଏ ଲେଖାଏଁ ଓ ମହାରାଜଙ୍କୁ ଦୁଇଟି ୱିକେଟ ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
