ଦୁବାଇ: ଆଇପିଏଲର ୪୫ତମ ମ୍ୟାଚରେ କୋଲକାତା ନାଇଟ ରାଇଡର୍ସକୁ ୫ ଓ୍ବିକେଟରେ ପରାଜୟ କରିଛି ପଞ୍ଜାବ କିଙ୍ଗ୍ସ । ପ୍ରଥମେ ପଞ୍ଜାବ ଟଚ୍ ଜିତି କୋଲକାତାକୁ ବ୍ୟାଟିଙ୍ଗ ପାଇଁ ସ୍ବାଗତ କରିଥିଲା । କୋଲକାତା ୨୦ ଓଭର ଶେଷ ୭ ୱିକେଟ ହରାଇ ୧୬୫ ରନ୍ ସଂଗ୍ରହ କରି ବିପକ୍ଷ ଦଳକୁ ୧୬୬ରନର ବିଜୟ ଲକ୍ଷ୍ୟ ଦେଇଥିଲା । ଜବାବରେ ପଞ୍ଜାବ ୧୯.୩ ଓଭରରେ ୫ ଓ୍ବିକେଟରେ ହରାଇ ୧୬୮ ରନ କରି ବିଜୟୀ ହୋଇଥିଲା । ଗତକାଲିର ଏହି ମ୍ୟାଚ ଉଭୟ ଟିମ୍ ପାଇଁ ଗୁରୁତ୍ବପୂର୍ଣ୍ଣ ଥିବା ବେଳେ ପଞ୍ଜାବ ବିଜୟୀ ହୋଇଛି । କୋଲକାତା ୧୨ଟି ମ୍ୟାଚ ଖେଳି ୧୦ ପଏଣ୍ଟ ସହ ପଏଣ୍ଟ ଟେବୁଲର ଚତୁର୍ଥ ସ୍ଥାନରେ ଥିବା ବେଳେ ପଞ୍ଜାବ ୧୨ଟି ମ୍ୟାଚ ଖେଳି ୧୦ ପଏଣ୍ଟ ସହ ପଞ୍ଚମ ସ୍ଥାନରେ ରହିଛି ।
କୋଲକାତା ପକ୍ଷରୁ ଭେଙ୍କଟସ ଆୟର ସର୍ବାଧିକ ୬୭ ରନ୍ର ଅର୍ଦ୍ଧଶତକୀୟ ଇଂନିସ କୋଳିଥିବା ବେଳେ ରାହୁଲ ତ୍ରିପାଠୀ ୩୪ ଓ ନୀତିଶ ରାଣା ୩୧ ରନ୍ର ଇଂନିସ ଖେଳି ଆଉଟ୍ ହୋଇଥିଲେ । ସେହିପରି ପଞ୍ଜାବ ପକ୍ଷରୁ କେଏଲ ରାହୁଲ ୬୭ ରନ ସହ ଦମଦାର ଅର୍ଦ୍ଧଶତକ ହାସଲ କରିଥିବା ବେଳେ ମୟଙ୍କ ଅଗ୍ରଓ୍ବାଲ ୪୦ ଓ ଶାହାରୁଖ ଖାନ ୨୨ ରନ କରି ଦଳକୁ ବିଜୟୀ କରିଥିଲେ ।
