ନୂଆଦିଲ୍ଲୀ: ଗୋଟିଏ ପରେ ଗୋଟିଏ ମ୍ୟାଚ ଅନୁଷ୍ଠିତ ହୋଇ ଆଗଉଛି ଆଇପିଏଲର ଚଳିତ ସଂସ୍କରଣ । ଆଜି ଇଣ୍ଡିଆନ ପ୍ରିମିୟର ଲିଗ 16ତମ ସିଜନର 43ତମ ମ୍ୟାଚ ଖେଳାଯିବ । ଏଥିରେ ରୟାଲ ଚାଲେଞ୍ଜର୍ସ ବାଙ୍ଗାଲୋର ଓ ଲକ୍ଷ୍ନୌ ସୁପର ଜାଏଣ୍ଟସ ପରସ୍ପରକୁ ଭେଟିବେ । ଘରୋଇ ଗ୍ରାଉଣ୍ଡରେ ଖେଳିବ ଲକ୍ଷ୍ନୌ । ନିଜ ମାଟିରେ ବାଙ୍ଗାଲୋରକୁ ପରାସ୍ତ କରି ସିଜନର ଷଷ୍ଠ ବିଜୟ ଲକ୍ଷ୍ୟରେ ରହିଛି ଲକ୍ଷ୍ନୌ । ଅନ୍ୟ ପଟେ ଲକ୍ଷ୍ନୌକୁ ତାର ଘରୋଇ ମାଟିରେ ମାତ ଦେଇ ପୂର୍ବ ପରାଜୟର ପ୍ରତିଶୋଧ ନେବା ସ୍ବପ୍ନ ନେଇ ମଇଦାନକୁ ଓହ୍ଲାଇବ ବାଙ୍ଗାଲୋର ।
RCB VS LSG: ଗତ ଏପ୍ରିଲ 10 ତାରିଖରେ ଚଳିତ ସିଜନରେ ପ୍ରଥମ ଥର ପାଇଁ ମୁହାଁମୁହିଁ ହୋଇଥିଲେ । ବାଙ୍ଗାଲୋର ବିଶାଳ ସ୍କୋର କରିଥିଲା ମାତ୍ର ପରାସ୍ତ ହୋଇଥିଲା । ଲକ୍ଷ୍ନୌ 1 ୱିକେଟରେ ରୋମାଞ୍ଚକ ବିଜୟ ହାସଲ କରିଥିଲା । ଆଜିର ମୁକାବିଲା ଜିତି ପୂର୍ବ ପରାଜୟର ପ୍ରତିଶୋଧ ନେବା ଲକ୍ଷ୍ୟରେ ରହିଛି ରାୟାଲ ଚାଲେଞ୍ଜର୍ସ ବାଙ୍ଗାଲୋର । ଆରସିବି ଏଯାବଦ 8ଟି ମ୍ୟାଚ ଖେଳି 4ଟିରେ ବିଜୟ ହାସଲ କରିଥିବାବେଳେ 4ଟିରେ ପରାସ୍ତ ହୋଇଛି । ଆଜିର ମୁକାବିଲା ଜିତିଲେ ଦଳ ନାମରେ ଆଉ ଏକ ବିଜୟ ଯୋଡି ହେବ । ଆରସିବି 8 ପଏଣ୍ଟ ପାଇ ଷଷ୍ଠ ସ୍ଥାନରେ ରହିଛି । ଗତ ସିଜିନରେ ଦୁଇଦଳ ପରସ୍ପରକୁ 2 ଥର ଭେଟିଥିଲେ ଆରିସିବି ଅପରାଜେୟ ସାବ୍ୟସ୍ତ ହୋଇଥିଲା । ଶେଷ ମ୍ୟାଚରେ ଆରସିିବି କୋଲକାତାଠୁ ପରାସ୍ତ ହୋଇଥିଲା ।
