ନୂଆଦିଲ୍ଲୀ: ହାଇପ୍ରୋଫାଇଲ କ୍ରିକେଟ ଟୁର୍ଣ୍ଣାମେଣ୍ଟ ଆଇପିଏଲ ଦିନକୁ ଦିନ ରୋମାଞ୍ଚ ଭରା ହେଉଛି । ପ୍ଲେ ଅଫରେ ସ୍ଥାନ ପକ୍କା କରିବାକୁ ଦଳ ମଧ୍ୟରେ କଡା ଟକ୍କର ଆରମ୍ଭ ହୋଇଗଲାଣି । ଆଜି ଆଇପିଏଲ 16ତମ ସଂସ୍କରଣର 53ତମ ମ୍ୟାଚ ଖେଳାଯିବ । ଏଥିରେ କୋଲକାତା ନାଇଟ ରାଇଡର୍ସ ଓ ପଞ୍ଜାବ କିଙ୍ଗସ ପରସ୍ପରକୁ ଭେଟିବେ । କୋଲକାତା ପାଇଁ ଏହି ମ୍ୟାଚ କର ବା ମର ସଦୃଶ ହୋଇଛି । ଘରୋଇ ଗ୍ରାଉଣ୍ଡରେ ଖେଳିବ କେକେଆର । ପଞ୍ଜାବକୁ ମାତ ଦେଇ ଦୃଢ ସ୍ଥିତିକୁ ଫେରିବା ଲକ୍ଷ୍ୟରେ ରହିଛି ଦଳ । ସେହିପରି କୋଲକାତାକୁ ତାର ଘୋରାଇ ମାଟିରେ ମାତ୍ ଦେବା ଲକ୍ଷ୍ୟ ନେଇ ପଡିଆକୁ ଓହ୍ଲାଇବ ପଞ୍ଜାବ । ଦୁଇ ଦଳ ମଧ୍ୟରେ ଏକ କଡ଼ା ମୁକାବିଲା ଦେଖିବାକୁ ମିଳିବ ।
ଏହା ବି ପଢନ୍ତୁ...IPL 2023 RR vs SRH: ଜୟପୁରରେ ରୋମାଞ୍ଚକର ମ୍ୟାଚ୍, ଶେଷ ବଲରେ ମ୍ୟାଚ ଛଡ଼ାଇ ଆଣିଲା ହାଇଦ୍ରାବାଦ
KKR VS PBKS: ପଞ୍ଜାବ ଓ କୋଲକାତା ମଧ୍ୟରେ ମୋଟ 31ଟି ମ୍ୟାଚ ଖେଳାଯାଇଛି । କେକେଆର 20ଟିରେ ବିଜୟ ହାସଲ କରିଛି । ପଞ୍ଜାବ 11ଟି ମ୍ୟାଚ ଜିତିଛି । ରେକର୍ଡ ଅନୁସାରେ କୋଲକାତା ପଲ୍ଲା ଭାରି ରହିଛି । ଗତ ଏପ୍ରିଲ 1 ତାରିଖରେ ଦୁଇ ଦଳ ଚଳିତ ସଂସ୍କରଣରେ ପ୍ରଥମ ମ୍ୟାଚ ଖେଳିଥିଲେ । ଏଥିରେ ପଞ୍ଜାବ କିଙ୍ଗସ 7 ରନରେ ବିଜୟ ହାସଲ କରିଥିଲା । କିଙ୍ଗସ ଏଯାବତ 10ଟି ମ୍ୟାଚରୁ 5ଟିରେ ବିଜୟ ହାସଲ କରି 10 ପଏଣ୍ଟ ସହ ସପ୍ତମ ସ୍ଥାନରେ ରହିଛି । ଆଜ ବିଜୟ ସହ ଉପରକୁ ଉଠିବାକୁ ପ୍ରୟାସ କରିବ ।
ଯଦି କେକେଆର ଆଜିର ଏହି ମୁକାବିଲାରେ ପରାସ୍ତ ହୁଏ ତେବେ ତାର ପ୍ଲେ ଅଫ୍ ଆଶା ଧୂଳିସାତ ହେବ । ଦଳ ଏଯାବତ 10ଟି ମ୍ୟାଚ ଖେଳି ମାତ୍ର 4ଟିରେ ବିଜୟ ହାସଲ କରିଛି । 8ପଏଣ୍ଟ ସହ ଟେବୁଲର ଅଷ୍ଟମ ସ୍ଥାନରେ ରହିଛି । କୋଲକାତାରୁ ପ୍ଲେ ଅଫ୍ ଦୌଡରେ ରହିବାକୁ ହେଲେ ଆଗାମୀ 4ଟି ମ୍ୟାଚ ଜିତିବାକୁ ହେବେ । ଆଜି ଘରୋଇ ମାଟିରେ ବିଜୟ ସ୍ବପ୍ନ ନେଇ ଖେଳିବ ନାଇଟ ରାଇଡର୍ସ । ଘରୋଇ ଗ୍ରାଉଣ୍ଡରେ ଦଳ 3ଟି ମ୍ୟାଚ୍ ହାରି ସାରିଛି । ଆଜି ପ୍ରତ୍ୟାବର୍ତ୍ତନ ପାଇଁ ଅଣ୍ଟି ଭିଡିଛି । ପୂର୍ବ ତ୍ରୁଟି ସୁଧାରିଲେ ଦଳର ବିଜୟ ସହଜ ହେବ । କେକେଆର ବରୁଣ ଚକ୍ରବର୍ତ୍ତୀଙ୍କ ଉପରେ ସମସ୍ତଙ୍କ ନଜର ରହିବ ।
ଏହା ବି ପଢନ୍ତୁ...IPL 2023 GT vs LSG: କୃଣାଲଙ୍କୁ ହରାଇଲେ ହାର୍ଦ୍ଦିକ, ୫୬ ରନରେ ଗୁଜରାଟର ବଡ଼ ବିଜୟ
KKR ସମ୍ଭାବ୍ୟ ଏକାଦଶ: ଜେସନ ରଏ/ସୂୟାଶ ଶର୍ମା, ରହମନୁଲ୍ଲା ଗୁରବାଜ, ଭେଙ୍କଟେଶ ଆୟର, ନୀତିଶ ରାଣା, ଆନ୍ଦ୍ରେ ରସେଲ, ରିଙ୍କୁ ସିଂହ, ସାର୍ଦ୍ଦୁଳ ଠାକୁର, ସୁନୀଲ ନାରାଏନ, ହିର୍ତିଷ ରାଣା, ବରୁଣ ଚକ୍ରବର୍ତ୍ତୀ, ବୈଭବ ଆରୋରା ।
PBKS ସମ୍ଭାବ୍ୟ ଏକାଦଶ: ଶିଖର ଧାୱନ, ପ୍ରଭସିମରନ ସିଂହ/କାଗିସୋ ରାବାଡା, ମାଥ୍ୟୁ ସର୍ଟ/ସିକନ୍ଦର ରାଜା, ଲିଆମ୍ ଲିଭିଂଷ୍ଟୋନ, ଭିତେଶ ଶର୍ମା, ସାମ୍ କରନ, ଶାହରୁଖ ଖାନ, ହରପ୍ରୀତ ବ୍ରାର, ରିଶି ଧାୱନ, ରାହୁଲ ଚହର, ଅର୍ଶଦୀପ ସିଂ ।
