ମୁମ୍ବାଇ: ଆଜି ଆଇପିଏଲର ୫୦ତମ ମ୍ୟାଚରେ ଚେନ୍ନାଇ ସୁପର କିଙ୍ଗ୍ସ( CSK)କୁ ଭେଟିବ ଦିଲ୍ଲୀ କ୍ୟାପିଟାଲ (DC) । ଆଜି ସନ୍ଧ୍ୟା ୭ଟା ୩୦ ମିନିଟରେ ମୁମ୍ବାଇରେ ଖେଳାଯିବ ଏହି ମ୍ୟାଚ । ଉଭୟ ଦଳ ପ୍ଲେ ଅଫକୁ ମନୋନିତ ହୋଇଥିବା ବେଳେ ପଏଣ୍ଟ ଟେବୁଲର ଶିର୍ଷ ସ୍ଥାନ ପାଇଁ ଆଜି ଟିମ୍ ଲଢେଇ କରିବେ । ଚେନ୍ନାଇ ୧୨ଟି ମ୍ୟାଚ ଖେଳି ୧୮ ପଏଣ୍ଟ ସହ ପଏଣ୍ଟ ଚେବୁଲର ଶୀର୍ଷ ସ୍ଥାନରେ ଥିବା ବେଳେ ଦିଲ୍ଲୀ ୧୨ଟି ମ୍ୟାଚ ଖେଳି ୧୮ ପଏଣ୍ଟ ସହ ପଏଣ୍ଟ ଟେବୁଲର ଦ୍ବିତୀୟ ସ୍ଥାନରେ ରହିଛି ।
ବିଜୟୀ ହେବା ଲକ୍ଷ୍ୟରେ ଆଜି ପଡିଆକୁ ଓହ୍ଲାଇବେ ଦୁଇ ଟିମ୍ । ଆଜିର ମ୍ୟାଚ୍ ବେଶ୍ ରୋମାଞ୍ଚକର ଏବଂ ଉତ୍କଣ୍ଠାପୂର୍ଣ୍ଣ ହେବ ବୋଲି ଆଶା କରାଯାଉଛି । କାରଣ ଉଭୟ ଦଳ ବର୍ତ୍ତମାନ ଶ୍ରେଷ୍ଠ ଫର୍ମରେ ରହିଛନ୍ତି । ତେବେ ଆଜି କାହାର ପଲ୍ଲା ଭାରି ରହିବ ଓ କିଏ ପଏଣ୍ଟ ଚେବୁଲରେ ଶୀର୍ଷ ସ୍ଥାନରେ ରହୁଛି ତାହା ଦେଖିବାକୁ ବାକି ରହିଲା ।
