ମୁମ୍ବାଇ: ଚଳିତ ଆଇପିଏଲ ପଏଣ୍ଟ ଟେବୁଲର ଶୀର୍ଷକୁ ଫେରିଲା ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆରସିବି) । ଚଳିତ ସଂସ୍କରଣରେ କ୍ରମାଗତ ଚତୁର୍ଥ ମ୍ୟାଚରେ ବିଜୟ ସହ ମୋଟ 8 ପଏଣ୍ଟ ହାସଲ କରି ବିରାଟ କୋହଲିଙ୍କ ଟିମ ପ୍ରଥମ ସ୍ଥାନରେ ରହିଛି । ଟିମର ନେଟ ରନ୍ ରେଟ୍ ମଧ୍ୟ +1.009ରେ ପହଞ୍ଚିଛି । ଚତୁର୍ଥ ମ୍ୟାଚ ପୂର୍ବରୁ ରନ୍ ରେଟ୍ ରହିଥିଲା +0.750 ।
ଚେନ୍ନାଇ ସୁପର କିଙ୍ଗ୍ସ 4ଟି ମ୍ୟାଚରୁ ଗୋଟିଏ ପରାଜୟ ସହ ତାଲିତାର ଦ୍ବିତୀୟ ସ୍ଥାନରେ ରହିଛି । ସମାନ 6 ପଏଣ୍ଟ ଦିଲ୍ଲୀ କ୍ୟାପିଟାଲ୍ସର ମଧ୍ୟ ରହିଛି ମାତ୍ର ସିଏସକେର ରନ୍ ରେଟ୍ ଅଧିକ ଥିବାରୁ ତୃତୀୟ ସ୍ଥାନରେ ସନ୍ତୁଷ୍ଟ ରହିଛି ଋଷଭ ପନ୍ତଙ୍କ ଟିମ । ସିଏସକେର ନେଟ୍ ରନରେଟ୍ +1.142 ଥିବାବେଳେ ଦିଲ୍ଲୀର +0.426 ରହିଛି ।
ଡିଫେଣ୍ଡିଂ ଚମ୍ପିଆନ ମୁମ୍ବାଇ ଇଣ୍ଡିଆନ୍ସ +0.187 ନେଟ୍ ରନରେଟ୍ ସହ ତାଲିକାର ଚତୁର୍ଥ ସ୍ଥାନରେ ରହିଛି । ମୁମ୍ବାଇ ପରେ ପଏଣ୍ଟ ଟେବୁଲରେ ଥିବା ପ୍ରତ୍ୟେକ ଟିମ 4ଟି ଲେଖାଁ ମ୍ୟାଚରେ 3ଟି ପରାଜୟ ଓ ଗୋଟିଏରେ ବିଜୟ ହାସଲ କରିଛନ୍ତି । ତେବେ ନେଟ୍ ରନ୍ରେଟ ଆଧାରରେ ସନରାଇଜର୍ସ ହାଇଦ୍ରାବାଦ ପଞ୍ଚମ, କୋଲକାତା ନାଇଟ ରାଇଡର୍ସ ଷଷ୍ଠ ଓ ପଞ୍ଜାବ କିଙ୍ଗ୍ସ ସପ୍ତମ ଓ ଶେଷରେ -1.011 ନେଟ୍ ରନରେଟ୍ ସହ ରାଜସ୍ଥାନ ରୟାଲ୍ସ ଶେଷରେ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
