ବେଙ୍ଗାଲୁରୁ: ନିଲାମ କାର୍ଯ୍ୟକ୍ରମକୁ ଫେରିଲେ ହ୍ୟୁଜ ଏଡମିଡ୍ଜ । IPL 2022 ନିଲାମ ସମୟରେ ଚେତା ହରାଇ ତଳେ ପଡି ଯାଇଥିବା ହ୍ୟୁଜ ଏଡମିଡ୍ଜ କାର୍ଯ୍ୟକ୍ରମକୁ ଫେରିଛନ୍ତି । ନିଲାମରେ ଶେଷ ପର୍ଯ୍ୟାୟରେ ଯୋଗଦେବେ ହ୍ୟୁଜ ।
ତେବେ ସୁସ୍ଥ ହୋଇ ଫେରିବା ପରେ ହ୍ୟୁଜ ଚାରୁ ଶର୍ମାଙ୍କୁ ଧନ୍ୟାବାଦ ଜଣାଇଛନ୍ତି, ଯିଏକି ତାଙ୍କ ଅସୁସ୍ଥତା ସମୟରେ ଦାୟିତ୍ବ ସମ୍ଭାଳି ଥିଲେ । ସୂଚନା ଅନୁଯାୟୀ ଶନିବାର ଠାରୁ IPL 15ତମ ସଂସ୍କରଣର ନିଲାମ କାର୍ଯ୍ୟ ଆରମ୍ଭ ହୋଇଛି । ପ୍ରଥମ ଦିନର କାର୍ଯ୍ୟକ୍ରମ ମଧ୍ୟରେ ଚେତା ହରାଇ ତଳେ ପଡିଯାଇଥିଲେ ହ୍ୟୁଜ । ତାଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।
ଏହା ମଧ୍ୟ ପଢନ୍ତୁ:- IPL 2022 Auction: ନିଲାମ ବେଳେ ବିଗିଡିଲା ସ୍ବାସ୍ଥ୍ୟ, ଷ୍ଟେଜରେ ଚେତାଶୂନ୍ୟ ହେଲେ ନିଲାମକାରୀ
ତେବେ ହ୍ୟୁଜଙ୍କ ନିମ୍ନ ରକ୍ତଚାପ କାରଣରୁ ଏପରି ଲକ୍ଷଣ ଦେଖା ଦେଇଥିବା ଡାକ୍ତର କହିଥିଲେ । ଆଜି(ରବିବାର) ସୁସ୍ଥ ହୋଇ କାର୍ଯ୍ୟକ୍ରମକୁ ଫେରିଛନ୍ତି ଏବଂ ସେ ନିଲାମର ଶେଷ ପର୍ଯ୍ୟାୟରେ ଭାଗ ନେଇଛନ୍ତି ।
