ବେଙ୍ଗାଲୁର: ଆଜି ଆରମ୍ଭ ହୋଇଛି ଆଇପିଏଲ ମେଗା ନିଲାମ । ଦ୍ବିତୀୟ ଦିନରେ ଜାରି ରହିଛି ଖେଳାଳି କ୍ରୟ ପ୍ରକ୍ରିୟା । ଇଂଲଣ୍ଡ କ୍ରିକେଟର ଲିଆମ ଲିଭିଂଷ୍ଟୋନ ଏ ପର୍ଯ୍ୟନ୍ତ ସବୁଠୁ ଦାମୀ ଖେଳାଳି ରହିଛନ୍ତି । ପଞ୍ଜାବ କିଙ୍ଗ୍ସ ତାଙ୍କୁ ୧୧ କୋଟି ୫୦ ଲକ୍ଷରେ କିଣିଛି । ସେହିପରି ୱେଷ୍ଟଇଣ୍ଡିଜ ଅଲରାଉଣ୍ଡର ଖେଳାଳି ଓଡେନ ସ୍ମିଥଙ୍କୁ ୬ କୋଟିରେ କିଣିଛି ପଞ୍ଜାବ କିଙ୍ଗସ । ଦକ୍ଷିଣ ଆଫ୍ରିକା ଖେଳାଳି ମାର୍କୋ ଜନସେନଙ୍କୁ ୪ କୋଟି ୨ ଲକ୍ଷରେ କିଣିଲା ସରରାଇର୍ଜସ । ସନ୍ଦୀପ ଶର୍ମାଙ୍କୁ ୫୦ ଲକ୍ଷରେ କିଣିଲା ପଞ୍ଜାବ କିଙ୍ଗସ ।
ପ୍ରଥମ ଦିନରେ ମୋଟ ୭୪ ଜଣ ଖେଳାଳି ବିକ୍ରି ହୋଇଛନ୍ତି । ୧୦ ଫ୍ରାଞ୍ଚାଇଜ ମୋଟ ୩,୮୮, ୧୦,୦୦,୦୦୦ କୋଟି ଟଙ୍କାରେ ଖେଳାଳିଙ୍କୁ କ୍ରୟ କରିଛନ୍ତି । ମାେଟ ୬୦୦ ଖେଳାଳି ନିଲାମ ପ୍ରକ୍ରିୟାରେ ସାମିଲ ହୋଇଥିବାବେଳେ ୨୧୭ ଜଣ ଖେଳାଳି ବିକ୍ରି ହେବାର କାର୍ଯ୍ୟକ୍ରମ ରହିଛି । ପ୍ରଥମ ଦିନରେ ଇଶାନ କିଷନ ସବୁଠୁ ଦାମୀ ଖେଳାଳି ଥିବାବେଳେ ପଛକୁ ପଛ ଦୀପକ ଚହର ଓ ଶାହରୁଖ ଖାନ ରହିଥିଲେ ।
