ଆଇପିଏଲ୍‌ ଅକ୍ସନରେ ସମୀରଙ୍କ ଜଲୱା, ୪୨ ଗୁଣା ଅଧିକା ଟଙ୍କାରେ କିଣିଲା CSK

IPL 2024 Auction: ସବୁଠାରୁ ଦାମୀ ଭାରତୀୟ ଅନକ୍ୟାପଡ୍‌ ପ୍ଲେୟର ହେଲେ ସମୀର ରିଜ୍‌ଭୀ । ବେସ୍‌ ପ୍ରାଇସ୍‌ ୨୦ ଲକ୍ଷରୁ ଯାଇ ୮.୪୦ କୋଟିରେ କିଣିଲା ଚେନ୍ନାଇ ସୁପର କିଙ୍ଗସ୍‌ । ଅଧିକ ପଢ଼ନ୍ତୁ

• Sameer Rizvi sold to CSK at 8.40cr.
  
  - One of the finest players in the domestic circuit!pic.twitter.com/FxQy6pxyFZ

  — Mufaddal Vohra (@mufaddal_vohra) December 19, 2023 " class="align-text-top noRightClick twitterSection" data="

  Sameer Rizvi sold to CSK at 8.40cr.
  
  - One of the finest players in the domestic circuit!pic.twitter.com/FxQy6pxyFZ

  — Mufaddal Vohra (@mufaddal_vohra) December 19, 2023

  ">

  Sameer Rizvi sold to CSK at 8.40cr.
  
  - One of the finest players in the domestic circuit!pic.twitter.com/FxQy6pxyFZ

  — Mufaddal Vohra (@mufaddal_vohra) December 19, 2023

ଦୁବାଇ: ଆଇପିଏଲ୍‌ ୨୦୨୪ ପାଇଁ ଅକ୍ସନରେ ଅନେକ ଆଶ୍ଚର୍ଯ୍ୟଜନକ ବିଡ୍‌ ଦେଖିବାକୁ ମିଳିଛି । ପ୍ରଥମ ଥର ପାଇଁ ଦୁଇ ଦୁଇଜଣ ଖେଳାଳି ୨୦ କୋଟିରୁ ଅଧିକ ଟଙ୍କାରେ ବିକ୍ରି ହୋଇଛନ୍ତି । ଏହା ପୂର୍ବରୁ କୌଣସି ଖେଳାଳି ୨୦ କୋଟି ଟଙ୍କା ବିଡ୍‌ ପର୍ଯ୍ୟନ୍ତ ଯାଇନଥିଲେ । ତେବେ କିଛି ଅନ୍‌କ୍ୟାପଡ୍‌ ଖେଳାଳି ମଧ୍ୟ ଏହି ନିଲାମୀରେ ସମସ୍ତଙ୍କ ଦୃଷ୍ଟି ଆକର୍ଷଣ ହୋଇଥିଲେ । ସେମାନଙ୍କ ମଧ୍ୟରେ ସବୁଠାରୁ ଶୀର୍ଷରେ ରହିଛନ୍ତି ଉତ୍ତର ପ୍ରଦେଶର ଯୁବ ବାମହାତୀ ବ୍ୟାଟର ସମୀର ରିଜଭୀ । ୨୦ ବର୍ଷୀୟ ଏହି ଯୁବ କ୍ରିକେଟର ନିଜ ବେସ୍‌ ପ୍ରାଇସ ୨୦ ଲକ୍ଷ ଟଙ୍କା ରଖିଥିଲେ । ହେଲେ ଆଇପିଏଲ୍‌ ସବୁଠୁ ସଫଳତମ ଟିମ୍‌ ଧୋନୀଙ୍କ ଚେନ୍ନାଇ ସୁପର କିଙ୍ଗସ୍‌ ୪୨ ଗୁଣା ଅଧିକ ଟଙ୍କା ଦେଇ ରିଜଭୀଙ୍କୁ କିଣିଛି । ୨୦ ଲକ୍ଷରୁ ଯାଇ ୮.୪୦ କୋଟି ଟଙ୍କାରେ ସମୀରଙ୍କୁ ନିଜ ଦଳରେ ସାମିଲ କରିଛି ସିଏସ୍‌କେ । ଯାହା ଫଳରେ ସବୁଠାରୁ ଦାମୀ ଭାରତୀୟ ଅନକ୍ୟାପଡ୍‌ ପ୍ଲେୟର ହୋଇଛନ୍ତି ରିଜ୍‌ଭୀ ।

ଉତ୍ତର ପ୍ରଦେଶ ପାଇଁ ଘରୋଇ କ୍ରିକେଟ୍‌ ଖେଳୁଥିବା ସମୀର ରିଜ୍‌ଭୀ ଜଣେ ସ୍ପିନ୍‌ ଅଲରାଉଣ୍ଡର ଓ ବାମହାତୀ ଓପନର । ସେ ଚଳିତ ବର୍ଷ ଉତ୍ତର ପ୍ରଦେଶ ଟି୨୦ ଲିଗ୍‌ରେ ଧୂଆଁଧାର ବ୍ୟାଟିଂ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ । ସମୀର ବଡ଼ ବଡ଼ ଛକା ମାରିବାର ମଧ୍ୟ ଦକ୍ଷତା ରଖନ୍ତି । ଆଇପିଏଲରେ ବିସ୍ଫୋରକ ବ୍ୟାଟିଂ କରି ଏବେ ଟିମ୍‌ ଇଣ୍ଡିଆର ଜଣେ କି-ପ୍ଲେୟର ସାବ୍ୟସ୍ତ ହୋଇଥିବା ରିଙ୍କୁ ସିଂ ଉତ୍ତର ପ୍ରଦେଶ ପାଇଁ ଡେବ୍ୟୁ ବେଳେ ସମୀରଙ୍କୁ କ୍ୟାପ୍‌ ଦେଇଥିଲେ । ଚଳିତ ବର୍ଷ ଖେଳାଯାଇଥିବା ଉତ୍ତର ପ୍ରଦେଶ ଟି୨୦ ଲିଗ୍‌ରେ ସମୀର ୧୦ ମ୍ୟାଚ୍‌ରେ ୯ ଇନିଂସ ଖେଳି ୫୦.୫୬ ହାରରେ ୪୫୫ ରନ୍‌ ସଂଗ୍ରହ କରିଥିଲେ । ଏଥିରେ ସେ ୨ଟି ଶତକ ଓ ଗୋଟିଏ ଅର୍ଦ୍ଧଶତକ ମଧ୍ୟ ଅର୍ଜନ କରିଥିଲେ । ଯେଉଁଥିପାଇଁ ତାଙ୍କୁ ନିଜ ଦଳରେ ସାମିଲ କରିବାକୁ ଦମ ଲଗାଇଥିଲା ଧୋନୀଙ୍କ ଚେନ୍ନାଇ ସୁପର କିଙ୍ଗସ୍‌ । ତାଙ୍କ ବେସ୍ ପ୍ରାଇସ ୨୦ ଲକ୍ଷ ଟଙ୍କାରେ ହିଁ ପ୍ରଥମ ବିଡ୍‌ ଡାକି ଥିଲା ଚେନ୍ନାଇ । ଏହାପରେ ଗୁଜରାଟ ଟାଇଟନ୍ସ ମଧ୍ୟ ସମୀରଙ୍କୁ ନିଜ ଦଳରେ ସାମିଲ କରିବା ପାଇଁ ଆଗ୍ରହ ଦେଖାଇଥିଲା । ପରେ ପରେ ଦିଲ୍ଲୀ କ୍ୟାପିଟାଲ୍ସ ଏଣ୍ଟ୍ରି ମାରିଥିଲା । କିନ୍ତୁ ସମୀରଙ୍କୁ ଛାଡ଼ିବା ମୁଡ୍‌ରେ ନଥିଲା ଚେନ୍ନାଇ । ଶେଷରେ ୮.୪୦ କୋଟିରେ ସମୀରଙ୍କୁ ହାସଲ କରିଥିଲା ସିଏସ୍‌କେ ।

ଆଇପିଏଲ୍‌ ୨୦୨୪ ଅକ୍ସନରେ ଚେନ୍ନାଇ କିଣିଥିବା ଖେଳାଳି: ଚେନ୍ନାଇ ସୁପର କିଙ୍ଗସ: ଡେରାଇଲ ମିଚେଲ (୧୪ କୋଟି), ସମୀର ରିଜଭୀ (୮.୪ କୋଟି), ଶାର୍ଦ୍ଦୁଲ ଠାକୁର (୪ କୋଟି), ମୁସ୍ତାଫିଜୁର ରେହମାନ (୨ କୋଟି), ରଚିନ ରବୀନ୍ଦ୍ର (୧.୮ କୋଟି), ଅବିନାଶ ରାଧ ଆରଭେଲୀ (୨୦ ଲକ୍ଷ)

ବ୍ୟୁରୋ ରିପୋର୍ଟ, ଇଟିଭି ଭାରତ