ମୁମ୍ବାଇ: ଦିଲ୍ଲୀ କ୍ୟାପିଟାଲ୍ସ ଏବଂ ସନ୍ ରାଇଜର୍ସ ହାଇଦ୍ରାବାଦ ମଧ୍ୟରେ IPL 2022 ର 50ତମ ମ୍ୟାଚ ଜାରି । ପୂର୍ବତନ ଟିମ୍ ହାଇଦ୍ରାବାଦ ବିପକ୍ଷରେ ଡେଭିଡ ୱାର୍ଣ୍ଣରଙ୍କ ଧୂଆଁଧାର ବ୍ୟାଟିଂ । ୱାର୍ଣ୍ଣରଙ୍କ 58 ବଲରେ 92 ରନ୍ ଏବଂ ପାୱେଲଙ୍କ 67 ରନ୍ ବଳରେ ଦଳ 20 ଓଭର ସୁଦ୍ଧା 3 ୱିକେଟ ହରାଇ 207 ରନ୍ ସଂଗ୍ରହ କରିଛି ଦିଲ୍ଲୀ କ୍ୟାପିଟାଲ୍ସ । ଫଳରେ ହାଇଦ୍ରାବାଦ ଆଗରେ 208 ରନର ଟାର୍ଗେଟ ରହିଛି ।
-
.@davidwarner31 slammed an unbeaten 92 and was our top performer from the first innings of the #DCvSRH clash. 👌 👌 #TATAIPL | @DelhiCapitals
— IndianPremierLeague (@IPL) May 5, 2022 " class="align-text-top noRightClick twitterSection" data="
A summary of his batting display 🔽 pic.twitter.com/USSqqTYIz4
">.@davidwarner31 slammed an unbeaten 92 and was our top performer from the first innings of the #DCvSRH clash. 👌 👌 #TATAIPL | @DelhiCapitals
— IndianPremierLeague (@IPL) May 5, 2022
A summary of his batting display 🔽 pic.twitter.com/USSqqTYIz4.@davidwarner31 slammed an unbeaten 92 and was our top performer from the first innings of the #DCvSRH clash. 👌 👌 #TATAIPL | @DelhiCapitals
— IndianPremierLeague (@IPL) May 5, 2022
A summary of his batting display 🔽 pic.twitter.com/USSqqTYIz4
ତେବେ 8 ବର୍ଷ ପରେ ଦିଲ୍ଲୀ ପକ୍ଷରୁ ହାଇଦ୍ରାବାଦ ବିପକ୍ଷରେ ଖେଳୁଥିବା ପୂର୍ବତନ SRH କ୍ୟାପ୍ଟେନ ଡେଭିଡ ୱାର୍ଣ୍ଣରଙ୍କ ଉପରେ ଥିଲା ସମସ୍ତଙ୍କ ନଜର । ଗତ ବର୍ଷ ଖରାପ ପ୍ରଦର୍ଶନ ପାଇଁ ସିଜିନ୍ ଅଧାରୁ ୱାର୍ଣ୍ଣରଙ୍କୁ ବସାଇଥିଲା ହାଇଦ୍ରାବାଦ । ଏପରିକି ନୂଆ କ୍ୟାପ୍ଟେନ ମଧ୍ୟ ଘୋଷଣା କରିଥିଲା ଟିମ୍, ଯାହାର ଏକପ୍ରକାର ବଦଲା ନେଇଛନ୍ତି ୱାର୍ଣ୍ଣର । ହାଇଦ୍ରାବାଦର କୌଣସି ବୋଲରଙ୍କୁ ଛାଡି ନାହାନ୍ତି ୱାର୍ଣ୍ଣର । ଏପରିକି ଉମରାନ ମଲିକଙ୍କ ଦ୍ରୁତ ବୋଲିଂକୁ ମଧ୍ୟ ଖାତିର କରିନାହାନ୍ତି । 12 ଟି ଚୌକା ଏବଂ 3ଟି ଛକା ସହ ଅପରାଜିତ 92 ରନ ସଂଗ୍ରହ କରି ରେକର୍ଡ କରିଛନ୍ତି ୱାର୍ଣ୍ଣର ।
ସେପଟେ ୱାର୍ଣ୍ଣରଙ୍କ ସାଥ୍ ଦେଇଥିଲେ ରୋଭମାନ ପାୱେଲ । ସେ 35 ବଲ୍ ଖେଳି ଅପରାଜିତ 67 ରନ୍ ସଂଗ୍ରହ କରିଛନ୍ତି । ସେହିପରି କ୍ୟାପ୍ଟେନ ପନ୍ତ 26, ମିଚେଲ ମର୍ଶ 10 ରନ କରି ଥିବାବେଳେ ମନଦୀପ ଖାତା ଖୋଲିପାରି ନ ଥିଲେ । ମୁମ୍ବାଇର ମେଲବୋର୍ଣ୍ଣ ଷ୍ଟାଡିୟମରେ ଖେଳା ଯାଉଥିବା ଏହି ମ୍ୟାଚରେ କେନ ୱିଲିୟମସନ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲେ । ସେପଟେ ଭୁବେଶ୍ବର କୁମାର, ଅବୋଟ୍ଟ ଏବଂ ଶ୍ରେୟାସ ଗୋପାଲଙ୍କ ଖାତାକୁ ଗୋଟିଏ ଲେଖାଏଁ ୱିକେଟ ଯାଇଛି ।
