ଚେନ୍ନାଇ: ମୁମ୍ବାଇ ଇଣ୍ଡିଆନ୍ସ କ୍ୟାପଟେନ ରୋହିତ ଶର୍ମା ଆଉ ଏକ ରେକର୍ଡର ଅଧିକାରୀ ହୋଇଛନ୍ତି । ଚେନ୍ନାଇ ସୁପର କିଙ୍ଗ୍ସ କ୍ୟାପଟେନ ମହେନ୍ଦ୍ର ସିଂହ ଧୋନିଙ୍କୁ ପଛରେ ପକାଇ ଭାରତୀୟ ବ୍ୟାଟ୍ସମ୍ୟାନ ଭାବେ ଇଣ୍ଡିଆନ ପ୍ରିମିୟର ଲିଗ୍ରେ ସର୍ବାଧିକ ଛକା ଲଗାଇବାର ରେକର୍ଡ କରିଛନ୍ତି ରୋହିତ ।
ଶନିବାର ଏମଏ ଚିଦାମ୍ବରମ ଷ୍ଟାଡିୟମ ଚେନ୍ନାଇରେ ଖେଳାଯାଉଥିବା ସନରାଇଜର୍ସ ଦ୍ରାଇଦ୍ରାବାଦ ବିପକ୍ଷ ମ୍ୟାଚରେ ଏହି ବିରଳ ଉପଲବ୍ଧିର ଅଧିକାରୀ ହୋଇଛନ୍ତି ହିଟ୍ମ୍ୟାଚ ରୋହିତ । ଭୁବନେଶ୍ବର କୁମାରଙ୍କୁ ଡିପ୍ ମିଡ ୱିକେଟରେ ବିଶାଳ ଛକା ଲଗାଇବା ପରେ ଧୋନିଙ୍କୁ ଟପିଯାଇଛନ୍ତି ।
ରୋହିତ ନାମରେ 217ଟି ଆଇପିଏଲ ଛକା ଥିବାବେଳେ ଧୋନିଙ୍କ ନାମରେ 216ଟି ରହିଛି ।
ପୂର୍ବରୁ ୱେଷ୍ଟଇଣ୍ଡିଜ ବ୍ୟାଟ୍ସମ୍ୟାନ କ୍ରିସ ଗେଲ୍ ବିଶ୍ବର ବିତ୍ତଶାଳୀ ଲିଗ୍ରେ 350 ଛକା ଲଗାଇବାର ରେକର୍ଡ କରିଥିଲେ । ଆରସିବିର ଏବି ଡିଭିଲିୟର୍ସ 237 ଛକା ସହ ଏହା ତାଲିକାରେ ଦ୍ବିତୀୟରେ ରହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
