ହାଇଦ୍ରାବାଦ: ଘରୋଇ ଭାରତ ଓ ଭ୍ରମଣକାରୀ ଦଳ ନ୍ୟୁଜିଲାଣ୍ଡ ମଧ୍ୟରେ ଆଜିଠୁ ୩ ମ୍ୟାଚ ବିଶିଷ୍ଟ ଦିନିକିଆ ସିରିଜ ଆରମ୍ଭ ହୋଇଛି । ହାଇଦ୍ରାବାଦର ରାଜୀବ ଗାନ୍ଧି ଅନ୍ତର୍ଜାତୀୟ ଷ୍ଟାଡିୟମରେ ପ୍ରଥମ ଦିନିକିଆ ମ୍ୟାଚରେ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଥିଲେ ଅଧିନାୟକ ରୋହିତ ଶର୍ମା । ତେବେ ପ୍ରଥମ ଇନିଂସରେ ନିର୍ଦ୍ଧାରିତ ୫୦ ଓଭରରେ ୮ ୱିକେଟ ହରାଇ ୩୪୯ ରନ ସଂଗ୍ରହ କରିଛି ଭାରତ । ଭାରତ ପକ୍ଷରୁ ଶୁଭମନ ଗିଲ ୧୪୯ ବଲରୁ ୧୯ ଚୌକା ଓ ୯ଟି ଛକା ସହାୟତାରେ ବିଶାଳ ୨୦୮ ରନ ସଂଗ୍ରହ କରିଛନ୍ତି । ଏହି ମ୍ୟାଚ୍ ଜିତିବାକୁ ହେଲେ ନ୍ୟୁଜିଲାଣ୍ଡକୁ ନିର୍ଦ୍ଧାରିତ ୫୦ ଓଭରରେ ୩୫୦ ରନ୍ର ଆବଶ୍ୟକତା ରହିଛି ।
-
Innings Break!
— BCCI (@BCCI) January 18, 2023 " class="align-text-top noRightClick twitterSection" data="
A massive knock of 208 by @ShubmanGill as #TeamIndia post a formidable total of 349/8 on the board.
Scorecard - https://t.co/DXx5mqRguU #INDvNZ @mastercardindia pic.twitter.com/wMsuCcBfm5
">Innings Break!
— BCCI (@BCCI) January 18, 2023
A massive knock of 208 by @ShubmanGill as #TeamIndia post a formidable total of 349/8 on the board.
Scorecard - https://t.co/DXx5mqRguU #INDvNZ @mastercardindia pic.twitter.com/wMsuCcBfm5Innings Break!
— BCCI (@BCCI) January 18, 2023
A massive knock of 208 by @ShubmanGill as #TeamIndia post a formidable total of 349/8 on the board.
Scorecard - https://t.co/DXx5mqRguU #INDvNZ @mastercardindia pic.twitter.com/wMsuCcBfm5
ଆଜିର ମ୍ୟାଚ୍ରେ ପ୍ରଥମରୁ ଭାରତକୁ ଭଲ ଆରମ୍ଭ ମିଳିଥିଲା । ତେବେ ଅଧିନାୟକ ରୋହିତ ଶର୍ମା ୩୮ ବଲରୁ ୩୪ ରନ ସଂଗ୍ରହ କରିଥିବାବେଳେ ୧୩ ନମ୍ବର ଓଭରର ପ୍ରଥମ ବଲ୍ରେ ଆଉଟ ହୋଇଥିଲେ । ବ୍ଲେୟାର ଟିକ୍ନର୍ଙ୍କ ବଲ୍ରେ ଡେରାଇଲ ମିଚେଲଙ୍କ ହାତରେ ଧରା ପଡ଼ିଥିଲେ ରୋହିତ । ଏହାପରେ ବିରାଟ କୋହଲି ମଧ୍ୟ ବିଫଳ ହୋଇଥିଲେ । ମାତ୍ର ୮ ରନ ସଂଗ୍ରହ କରି ସାଣ୍ଟନରଙ୍କ ବଲରେ ବୋଲ୍ଡ ହୋଇଥିଲେ । ଏହାପରେ ମଧ୍ୟକ୍ରମରେ ସୁଯୋଗ ପାଇଥିବା ଯୁବ ବ୍ୟାଟର ଈଶାନ କିଶାନ ମଧ୍ୟ ୧୪ ବଲରୁ ମାତ୍ର ୫ ରନ ସଂଗ୍ରହ କରି ପାଭିଲିୟନ ଫେରିଥିଲେ ।
ଏହାପରେ ଗିଲଙ୍କ ସହ କିଛି ସମୟ ପାଳି ସମ୍ଭାଳିଥିଲେ ସୂର୍ଯ୍ୟକୁମାର ଯାଦବ । ସେ ୨୬ ବଲରୁ ୪ଟି ଚୌକା ସହିତ ୩୧ ରନ ସଂଗ୍ରହ କରିଛନ୍ତି । ଏହାପରେ ଡେରାଇଲ ମିଚେଲଙ୍କ ବଲର ଶିକାର ହୋଇ ସାଣ୍ଟନରଙ୍କ ହାତରେ ଧରା ପଡ଼ିଥିଲେ ସୂର୍ଯ୍ୟକୁମାର ଯାଦବ । ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ମଧ୍ୟ ପରିସ୍ଥିତିକୁ ସମ୍ଭାଳି ବ୍ୟାଟିଂ କରିଥିଲେ । ତେବେ ସେ ୩୮ ବଲରୁ ୨୮ ରନ ସଂଗ୍ରହ କରି ପାଭିଲିୟନ ଫେରିଥିଲେ ।
ସେପଟେ ଯୁବ ପ୍ରାରମ୍ଭିକ ବ୍ୟାଟର ଶୁଭମନ ଗିଲ ଆଜି ନିଜ ଅନ୍ତର୍ଜାତୀୟ କ୍ୟାରିୟରର ସବୁଠାରୁ ଶ୍ରେଷ୍ଠ ପାଳି ଖେଳିଛନ୍ତି । ପଞ୍ଚମ ଭାରତୀୟ ବ୍ୟାଟର ଭାବେ ସେ ଦ୍ବିଶତକ ହାସଲ କରିଛନ୍ତି । ଗିଲ ଆଜିର ମ୍ୟାଚ୍ରେ ୩୦ ନମ୍ବର ଓଭରରେ ନିଜ ଅନ୍ତର୍ଜାତୀୟ କ୍ୟାରିୟରର ତୃତୀୟ ଶତକ ହାସଲ କରିଥିଲେ । ମାତ୍ର ୮୮ ବଲରୁ ଏହି ଶତକ ହାସଲ କରିଥିଲେ ଗିଲ । ଏହାପରେ ସେ ନିଜର ଦମଦାର ବ୍ୟାଟିଂ ଦେଖାଇ ଦ୍ବିଶତକ ମଧ୍ୟ ହାସଲ କରିଥିଲେ । ସେ ଆଜିର ମ୍ୟାଚ୍ରେ ମୋଟ ୧୪୯ ବଲରୁ ୧୯ ଚୌକା ଓ ୯ଟି ଛକା ସହିତ ୨୦୮ ରନ ସ୍କୋର୍ କରିଛନ୍ତି ।
ଅନ୍ୟପଟରେ ନ୍ୟୁଜିଲାଣ୍ଡ ପକ୍ଷରୁ ସିପ୍ଲି ୯ ଓଭରରେ ୭୪ ରନ ବ୍ୟୟ କରି ୨ ୱିକେଟ ହାସଲ କରିଥିଲେ । ସେହିଭଳି ଡେରାଇଲ ମିଚେଲ ୫ ଓଭରରୁ ୩୦ ରନ ବ୍ୟୟରେ ୨ ୱିକେଟ ହାସଲ କରିଛନ୍ତି । ଅନ୍ୟମାନଙ୍କ ମଧ୍ୟରେ ଲକି ଫର୍ଗୁସନ, ବ୍ଲେୟାର ଟିକ୍ନର ଓ ସାଣ୍ଟନର ଗୋଟିଏ ଲେଖାଏଁ ସଳତା ପାଇଥିଲେ । ତେବେ ନ୍ୟୁଜିଲାଣ୍ଡକୁ ପ୍ରଥମ ଦିନିକିଆ ମୁକାବିଲା ଜିତିବାକୁ ହେଲେ ନିର୍ଦ୍ଧାରିତ ୫୦ ଓଭର ମଧ୍ୟରେ ୩୫୦ ରନ ହାସଲ କରିବାକୁ ହେବ । ଏହି ପିଚ୍ରେ ଭାରତୀୟ ବୋଲର କିଭଳି ବୋଲିଂ କରିବେ ତାହାରି ଉପରେ ନଜର ରହିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
