ସେଞ୍ଚୁରିଅନ: ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ଟେଷ୍ଟରେ ଭାରତର ଦମଦାର ବିଜୟ । ସେଞ୍ଚୁରିଅନର ସୁପର ସ୍ପୋର୍ଟ ପାର୍କରେ ଖେଳାଯାଇଥିବା ପ୍ରଥମ ଟେଷ୍ଟକୁ ୧୧୩ ରନ୍ରେ ଜିତିନେଇଛି ବିରାଟ ବାହିନୀ । ଏଥିସହ ୩ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ୧-୦ର ଅଗ୍ରଣୀ ହାସଲ କରିଛି । ସେଞ୍ଚୁରିଅନ ଗ୍ରାଉଣ୍ଡରେ ଟିମ ଇଣ୍ଡିଆର ଏହା ପ୍ରଥମ ଟେଷ୍ଟ ମ୍ୟାଚ୍ ବିଜୟ । ଫଳରେ ଐତିହାସିକ ବିଜୟ ସହ ୨୦୨୧ବର୍ଷ ଶେଷ କରିଛି ଟିମ ଇଣ୍ଡିଆ ।
-
A big victory for #TeamIndia in the 1st Test.
— BCCI (@BCCI) December 30, 2021 " class="align-text-top noRightClick twitterSection" data="
Scorecard - https://t.co/eoM8MqSQgO #SAvIND pic.twitter.com/lRWDCAalIZ
">A big victory for #TeamIndia in the 1st Test.
— BCCI (@BCCI) December 30, 2021
Scorecard - https://t.co/eoM8MqSQgO #SAvIND pic.twitter.com/lRWDCAalIZA big victory for #TeamIndia in the 1st Test.
— BCCI (@BCCI) December 30, 2021
Scorecard - https://t.co/eoM8MqSQgO #SAvIND pic.twitter.com/lRWDCAalIZ
୩୦୫ ରନ୍ର ବିଜୟ ଲକ୍ଷ୍ୟକୁ ପିଛା କରିଥିବା ଦକ୍ଷିଣ ଆଫ୍ରିକା ଟିମକୁ ୧୯୧ ରନ୍ରେ ଅଲଆଉଟ୍ କରିଥିଲା ଟିମ ଇଣ୍ଡିଆ । ଲଞ୍ଚ୍ ବ୍ରେକ୍ ପରେ ୧୮୨/୭ରୁ ଖେଳ ଆରମ୍ଭ କରିଥିଲା ଦକ୍ଷିଣ ଆଫ୍ରିକା । ମାତ୍ର ଦୁଇ ଓଭର ମଧ୍ୟରେ ଶେଷ ୩ ୱିକେଟ ହାତେଇଥିଲେ ଭାରତୀୟ ବୋଲର । ପ୍ରଥମ ମହମ୍ମଦ ସାମି ୱିକେଟ କିପର ଋଷଭ ପନ୍ତଙ୍କ ଦ୍ବାରା ଡେବ୍ୟୁ ମ୍ୟାଚ ଖେଳୁଥିବା ମାର୍କୋ ଜାନସେନଙ୍କୁ ଓ ପରେ ରବିଚନ୍ଦ୍ରନ ଅଶ୍ବିନ କାଗିସୋ ରବାଡା ଓ ଲୁଙ୍ଗି ନିଙ୍ଗିଡିଙ୍କୁ ଆଉଟ୍ କରି ଭାରତକୁ ବିଜୟ ଦେଇଥିଲେ । ସାମି ଦ୍ବିତୀୟ ଇଂନିସରେ ୩ଟି ୱିକେଟ ସହ ମ୍ୟାଚ୍ରେ ମୋଟ ୮ଟି ୱିକେଟ ହାସଲ କରିଛନ୍ତି । ସେହିପରି ବୁମରା ୫ଟି ୱିକେଟ ଅକ୍ତିଆର କରିଛନ୍ତି । ଦକ୍ଷିଣ ଆଫ୍ରିକା ପକ୍ଷରୁ ଦ୍ବିତୀୟ ଇଂନିସରେ କ୍ୟାପଟେନ ଡିନ ଏଲଗାର ସର୍ବାଧିକ ୭୭ ରନ୍ର ଇଂନିସ ଖେଳିଥିଲେ ଓ ତେମ୍ବା ବାଭୁମା ୩୫ ରନ୍ରେ ଅପରାଜିତ ରହିଥିଲେ ।
ଭାରତ ପକ୍ଷରୁ ଭାଇସ-କ୍ୟାପଟେନ କେଏଲ ରାହୁଲ ପ୍ରଥମ ଇଂନିସରେ ଦମଦାର ଶତକୀୟ ଇଂନିସ ଖେଳିଥିଲେ । ମୟଙ୍କ ଅଗ୍ରୱାଲ୬୦ ଓ ଅଜିଙ୍କ୍ୟ ରାହାଣେ ୬୦ ରନ୍ର ଅର୍ଦ୍ଧଶତକୀୟ ଇଂନିସ ଖେଳିଥିଲେ ।
ସଂକ୍ଷିପ୍ତ ସ୍କୋର: ଭାରତ ୩୨୭ ଓ ୧୭୪ ଦକ୍ଷିଣ ଆଫ୍ରିକାକୁ 113 ରନ୍ରେ ହରାଇଲା ୧୯୭ ଓ ୧୯୧ ଅଲଆଉଟ୍(ଡିନ୍ ଏଲଗାର ୭୭, ତେମ୍ବା ବାଭୁମା ୩୫ ଅପରାଜିତ, ଜଶପ୍ରୀତ ବୁମରା ୩/୫୦, ମହମ୍ମଦ ସାମି ୩/୬୩) ।
ବ୍ୟୁରୋ ରିପୋର୍ଟ, ଇଟିଭି ଭାରତ
