କାବୁଲ: ଆଫଗାନିସ୍ତାନ କ୍ରିକେଟ ଟିମର ନୂଆ ଟେଷ୍ଟ ଓ ଦିନିକିଆ ଅଧିନାୟକ ହୋଇଛନ୍ତି ହସମତୁଲା ସାହିଦୀ । ଆଫଗାନିସ୍ତାନ କ୍ରିକେଟ ବୋର୍ଡର ସଦସ୍ୟ ସୋମବାର ଜାତୀୟ ଟିମର ଅଧିନାୟକ ଭାର ହସମତୁଲାଙ୍କ ଉପରେ ନ୍ୟସ୍ତ କରିଛନ୍ତି । ଏଥିସହ ବୋର୍ଡ ପୁରୁଷ ଜାତୀୟ ଟିମର ଅଧିନାୟକ ପଦରୁ ଅସଘର ଆଫଗାନଙ୍କୁ ବାଦ ଦେଇଛନ୍ତି ।
ସୋମବାର ବୋର୍ଡ ନେଇଥିବା ନିଷ୍ପତ୍ତି ଅନୁଯାୟୀ, ବାମହାତୀ ହସମତୁଲା ସାହିଦୀ ଜାତୀୟ ଟିମର ନୂଆ ଟେଷ୍ଟ ଓ ଦିନିକିଆ ଅଧିନାୟକ ଦାୟିତ୍ବ ସମ୍ଭାଳିବେ । ରହମତ ଶାହଙ୍କୁ ଉଭୟ ଫର୍ମାଟରେ ଉପ-ଅଧିନାୟକ ଭାବେ ନିଯୁକ୍ତ କରାଯାଇଛି ।
ଅଲରାଉଣ୍ଡର ରସିଦ ଖାନ ଟି20 ଟିମର ଉପ-ଅଧିନାୟକ ରହିବେ ଓ ଖୁବଶୀଘ୍ର ନୂଆ ଅଧିନାୟକ ନେଇ ନିଷ୍ପତ୍ତି ନେହ । ଏନେଇ ଏସିବି ପକ୍ଷରୁ ଘୋଷଣା କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
