ନୂଆଦିଲ୍ଲୀ: କ୍ରିକେଟରଙ୍କ ମଧ୍ୟରେ ଫିଲ୍ମ ପୁଷ୍ପାର କ୍ରେଜ୍ ଦେଖିବାକୁ ମିଳିଛି । କିଛି ଦିନ ପୂର୍ବରୁ ବାଂଲାଦେଶ ପ୍ରମିୟର ଲିଗ୍ରେ ଜଣେ ବୋଲର ପୁଷ୍ପା ଷ୍ଟାଇଲ୍ରେ ସେଲିବ୍ରେସନ କରୁଥିବା ଦେଖା ଦେଇଥିଲା । ତେବେ ଆଜି (ବୁଧବାର) ହାର୍ଦ୍ଦିକ ପାଣ୍ଡ୍ୟାଙ୍କୁ ଏହି ବହୁ ଚର୍ଚ୍ଚିତ ଫିଲ୍ମର ଏକ ଗୀତରେ ନାଚ କରୁଥିବା ଦେଖିବାକୁ ମିଳିଛି । ହାର୍ଦ୍ଦିକଙ୍କ ସହ ତାଙ୍କ ଆଇ ଟ୍ରେଣ୍ଡିଂ କରୁଥିବା srivalli ଗୀତରେ ନାଚୁଥିବା ଦେଖିବାକୁ ମିଳିଛି ।
ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ସେପଟେ ଫ୍ୟାନମାନେ ଏହି ଭିଡିଓକୁ ସେୟାର କରିବା ଆରମ୍ଭ କରି ଦେଇଛନ୍ତି । ଆଲ୍ଲୁ ଅର୍ଜୁନଙ୍କ ଆଇକନିକ୍ ପୁଷ୍ପା ଫିଲ୍ମର ସମସ୍ତ ଗୀତ ଏବେ ଖୁବ ଭାଇରାଲ ହେବାରେ ଲାଗିଛି । ଏଥିରେ ଶ୍ରୀଭଲି, ସାମୀ, ଓ ଅଣ୍ଟାବା ଭଳି ଗୀତ ରହିଛି ।
ଶ୍ରୀଭଲୀ ଗୀତର ତାଳେ ତାଳେ ହାର୍ଦ୍ଦିକ ପାଣ୍ଡ୍ୟା ଓ ତାଙ୍କ ଆଇ ନାଚୁଛନ୍ତି । ଏହି ଭିଡିଓକୁ ନିଜ ଇନ୍ଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି ହାର୍ଦ୍ଦିକ ପାଣ୍ଡ୍ୟା । ଗତ ମାସରେ ପୁଷ୍ପ ଫିଲ୍ମ ରିଲିଜ୍ ହୋଇଥିଲା । ଦର୍ଶକ ଏହି ଫିଲ୍ମକୁ ଖୁବ ପସନ୍ଦ କରିଛନ୍ତି ଦର୍ଶକ । ବକ୍ସ ଅଫିସ୍ରେ ମଧ୍ୟ ଏହି ଫିଲ୍ମ ଭଲ ବ୍ୟବସାୟ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
