ହାଇଦ୍ରାବାଦ: ବିଶ୍ବକପ୍ ୨୦୨୩ ଟୁର୍ଣ୍ଣାମେଣ୍ଟ ଆରମ୍ଭରୁ ଦମଦାର ପ୍ରଦର୍ଶନ ଜାରି ରଖି ଫାଇନାଲ୍ରେ ସମସ୍ତଙ୍କ ପ୍ରଥମ ପସନ୍ଦର ଦଳ ଭାବେ ପଡ଼ିଆକୁ ଓହ୍ଲାଇଥିଲା ଟିମ୍ ଇଣ୍ଡିଆ । ହେଲେ ପୂର୍ବପରି ଫାଇନାଲ୍ରେ ଦଳ ଲୟରେ ନଥିବା ଭଳି ମନେ ହୋଇଥିଲା । ରୋହିତ ଶର୍ମା ଓ ବିରାଟ କୋହଲି ବ୍ୟାଟିଂ କରୁଥିବାବେଳେ ଲାଗୁଥିଲା ଭାରତ ଏକ ବଡ଼ ସ୍କୋର କରିବ ଓ ଭଲ ସ୍ଥିତିରେ ରହିବ । ରୋହିତଙ୍କ ୱିକେଟ୍ ପରେ ଦଳକୁ କୋହଲି ତ ସମ୍ଭାଳି ନେଲେ, ହେଲେ କୋହଲିଙ୍କ ୱିକେଟ୍ ପରେ କିନ୍ତୁ ରୋହିତ ବାହିନୀର ବିଜୟ ଆଶା କମି ଯାଇଥିଲା । ଶେଷରେ ଅଷ୍ଟ୍ରେଲିଆ ୬ ୱିକେଟ୍ରେ ବିଜୟୀ ହୋଇ ସମସ୍ତ ଆଶା ଓ ଆକଳନକୁ ଭୁଲ୍ ପ୍ରମାଣିତ କରିଥିଲା । ହେଲେ ଟୁର୍ଣ୍ଣାମେଣ୍ଟରେ ଭାରତୀୟ ଦଳର ପ୍ରଦର୍ଶନକୁ ଭୂୟସୀ ପ୍ରଶଂସା କରିଛନ୍ତି ପାକିସ୍ତାନର ପୂର୍ବତନ କ୍ରିକେଟର ଶୋଏବ ଅଖତର ।
-
India has lost the World Cup. If there was anyone who could have stopped them, has stopped them. pic.twitter.com/WMIMbcmEaO
— Shoaib Akhtar (@shoaib100mph) November 19, 2023 " class="align-text-top noRightClick twitterSection" data="
">India has lost the World Cup. If there was anyone who could have stopped them, has stopped them. pic.twitter.com/WMIMbcmEaO
— Shoaib Akhtar (@shoaib100mph) November 19, 2023India has lost the World Cup. If there was anyone who could have stopped them, has stopped them. pic.twitter.com/WMIMbcmEaO
— Shoaib Akhtar (@shoaib100mph) November 19, 2023
ଭାରତ ହାରିବା ପରେ ପାକିସ୍ତାନରେ ବେଶ ଉତ୍ସବ ପାଳନ କରାଯାଇଥିବାର ଭିଡିଓ ଭାଇରାଲ ହୋଇଥିଲା । ହେଲେ ପାକିସ୍ତାନର ପୂର୍ବତନ କ୍ରିକେଟର ଶୋଏବ ଅଖତର କିନ୍ତୁ ବିଶ୍ବକପ୍ ୨୦୨୩ରେ ଭାରତର ଯାତ୍ରାକୁ ନେଇ ଦଳକୁ ବେଶ ପ୍ରଶଂସା କରିଛନ୍ତି । ଶୋଏବ ନିଜର ୟୁଟ୍ୟୁବ୍ ଚ୍ୟାନେଲରେ କହିଛନ୍ତି, "ଭାରତ ଫାଇନାଲ ଖେଳିବାର ସୁଯୋଗ ପାଇଲା, ଏହା ଏତେ ସହଜ ନୁହେଁ । ଅନ୍ୟ ସବୁ ଦଳକୁ ହରାଇ ଫାଇନାଲରେ ପ୍ରବେଶ କରିଥିଲା ଟିମ୍ ଇଣ୍ଡିଆ । ହେଲେ ଫାଇନାଲରେ ସେମାନେ ନିଜର ଭଲ ପ୍ରଦର୍ଶନକୁ ଦୋହରାଇ ପାରିଲେନାହିଁ । ଗତ ୧୨ ବର୍ଷ ମଧ୍ୟରେ ସେମାନେ ଅନେକ ଥର ଆଇସିସି ଟ୍ରଫିର ନିକଟତର ହୋଇଛନ୍ତି । ହେଲେ ଏହାକୁ ଜିତି ପାରିନାହାନ୍ତି । ଭାରତ ପାଖରେ ବିରାଟ କୋହଲିଙ୍କ ଭଳି ବ୍ୟାଟର ଓ ମହମ୍ମଦ ଶାମିଙ୍କ ଭଳି ୱିକେଟ ନେଇପାରୁଥିବା ବୋଲର ଅଛନ୍ତି । ହେଲେ ଭାଗ୍ୟ ସେମାନଙ୍କ ସାଥ୍ ଦେଲା ନାହିଁ ।" ଏହି ଭିଡିଓକୁ ନିଜ ଏକ୍ସ ହ୍ୟାଣ୍ଡେଲ୍ରେ ମଧ୍ୟ ପୋଷ୍ଟ କରିଛନ୍ତି ଶୋଏବ ଅଖତର ।
ଏହା ମଧ୍ୟ ପଢ଼ନ୍ତୁ...ସର୍ବଶ୍ରେଷ୍ଠ ଦଳ ଚୟନ କଲା ଆଇସିସି: ରୋହିତ ଅଧିନାୟକ, ଦଳରେ ୬ ଭାରତୀୟ
ପ୍ରକାଶଯୋଗ୍ୟ, ଚଳିତ ବିଶ୍ବକପ୍ରେ ଭାରତ ଏକମାତ୍ର ଦଳ ଭାବେ ଲିଗ୍ ପର୍ଯ୍ୟାୟ ଆରମ୍ଭରୁ ସେମିଫାଇନାଲ୍ ପର୍ଯ୍ୟନ୍ତ ସମସ୍ତ ୧୦ ମ୍ୟାଚ୍ ଜିତି ଅଭିଯାନ ଶେଷ କରିଥିଲା । ହେଲେ ଦୁର୍ଭାଗ୍ୟବଶତଃ ଫାଇନାଲ୍ରେ ଦଳକୁ ପରାଜୟର ସାମ୍ନା କରିବାକୁ ପଡ଼ିଥିଲା । ଅନ୍ୟପଟେ ପାକିସ୍ତାନ ଅତି ଶୋଚନୀୟ ପ୍ରଦର୍ଶନ କରି ବିଶ୍ବକପ୍ରୁ ବିଦାୟ ନେଇଥିଲା । ୯ ଲିଗ୍ ମ୍ୟାଚ୍ରୁ କେବଳ ୪ ମ୍ୟାଚ୍ରେ ବିଜୟ ପାଇଥିବାବେଳେ ୫ ମ୍ୟାଚ୍ ହାରି ଭାରତରୁ ବିଦାୟ ନେଇଥିଲା ବାବର ଆଜମଙ୍କ ନେତୃତ୍ବାଧିନ ପାକିସ୍ତାନ । ଏଭଳି ପ୍ରଦର୍ଶନ ପରେ ପ୍ରଥମେ ପାକିସ୍ତାନ କ୍ରିକେଟ୍ ବୋର୍ଡ ଚୟନ କମିଟି ମୁଖ୍ୟ ଇଞ୍ଜାମାମ୍ ଉଲ୍ ହକ୍ ଓ ପରେ ଦଳର ବୋଲିଂ କୋଚ୍ ମର୍ଣ୍ଣି ମୋର୍କେଲ୍ ନିଜ ପଦରୁ ଇସ୍ତାଫା ଦେଇଥିଲେ । ପରେ ନିଜେ ବାବର ଆଜମ ମଧ୍ୟ ଅଧିନାୟକ ପଦରୁ ଇସ୍ତଫା ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
