କାର୍ଡିଫ: ଇଂଲଣ୍ଡ ବିପକ୍ଷରେ ଶ୍ରୀଲଙ୍କାର ପରାଜୟ ଧାରା ଜାରି ରହିଛି । 3 ମ୍ୟାଚ ବିଶିଷ୍ଟ ଟି20 ସିରିଜରେ ଲଗାତାର ଦ୍ବିତୀୟ ମ୍ୟାଚରେ ମଧ୍ୟ ପରାସ୍ତ ହୋଇଛି ଶ୍ରୀଲଙ୍କା । ଦ୍ବିତୀୟ ଟି20କୁ 5 ୱିକେଟରେ ଜିତିନେବା ସହ ସିରିଜ କବ୍ଜା କରିଛି ଇଂଲଣ୍ଡ । 3 ମ୍ୟାଚ ବିଶିଷ୍ଟ ଟି20 ସିରିଜରେ 2-0ରେ ଆଗୁଆ ରହିଛି ଦଳ ।
ଦ୍ରୁତ ବୋଲିଂ ଅନୂକୁଳ ଇଂଲିସ ପରିବେଶରେ ଭ୍ରମଣକାରୀ ଶ୍ରୀଲଙ୍କାର ବ୍ୟାଟିଂ ପୁଣି ଧରାଶାୟୀ ହୋଇଥିଲା । କୁଶଲ ପରେରାଙ୍କ ଟିମ ନିର୍ଦ୍ଧାରିତ 20 ଓଭରରେ 7 ୱିକେଟ ହରାଇ ମାତ୍ର 111 ରନ୍ ସଂଗ୍ରହ କରିପାରିଥିଲା । କୁଶଲ ମେଣ୍ଡିସ ସର୍ବାଧିକ 39 ରନ୍ର ଇଂନିସ ଖେଳିଥିଲେ । 6ଜଣ ସିଂହଳ ବ୍ୟାଟ୍ସମ୍ୟାନ ଏକଅଙ୍କ ସ୍କୋର ପାର୍ କରିପାରିନଥିଲେ ।
ଜବାବରେ ଇଂଲଣ୍ଡ 11 ବଲ ବାକିଥାଇ (D/L) 16.1 ଓଭରରେ 103 ରନ କରି ବିଜୟୀ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
