ଏଜବାଷ୍ଟନ: ଭେଟେରାନ ଦ୍ରୁତ ବୋଲର ଜେମ୍ସ ଆଣ୍ଡରସନ ଆଉଏକ ନୂଆ କିର୍ତ୍ତୀମାନର ଅଧିକାରୀ ହୋଇଛନ୍ତି । ଗୁରୁବାର ଇଂଲଣ୍ଡ ପକ୍ଷରୁ ସର୍ବାଧିକ ଟେଷ୍ଟ ମ୍ୟାଚ୍ ଖେଳିଥିବା ଖେଳାଳି ହୋଇଛନ୍ତି ଆଣ୍ଡରସନ । ଏହା କରିବାରେ ସେ ପୂର୍ବତନ କ୍ୟାପଟେନ ଆଲିଷ୍ଟାର କୁକ୍ଙ୍କୁ ପଛରେ ପକାଇଛନ୍ତି । ନ୍ୟୁଜିଲାଣ୍ଡ ବିପକ୍ଷ ଦ୍ବିତୀୟ ଏଜବାଷ୍ଟନ ଟେଷ୍ଟରେ ଆଣ୍ଡରସନ ଏହି ସଫଳତାର ଅଧିକାରୀ ହୋଇଛନ୍ତି । ଇଂଲଣ୍ଡ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛି ।
କ୍ରିକେଟର ଲମ୍ବା ଫର୍ମାଟରେ ଆଣ୍ଡରସନ 162 ମ୍ୟାଚ୍ ସହ ଇଂଲଣ୍ଡର ସର୍ବାଧିକ ମ୍ୟାଚ ଖେଳିଥିବା ଖେଳାଳି ହୋଇଛନ୍ତି । କୁକ୍ଙ୍କ ନାମରେ 161ଟି ମ୍ୟାଚ୍ ରହିଛି । ଅନ୍ୟତମ ଦ୍ରୁତ ବୋଲର ଷ୍ଟୁଆର୍ଟ ବ୍ରଡ 147ଟି ଟେଷ୍ଟ ସହ ଏହି ତାଲିକାରେ ତୃତୀୟରେ ରହିଛନ୍ତି । ଚତୁର୍ଥରେ 133 ମ୍ୟାଚ ସହ ପୂର୍ବତନ କ୍ରିକେଟର ଆଲେକ ଷ୍ଟେୱାର୍ଟ ରହିଛନ୍ତି ।
ଆଣ୍ଡରସନ ବିଶ୍ବରେ ଏକମାତ୍ର ବୋଲର ଭାବେ 600 ଟେଷ୍ଟ ୱିକେଟ ହାସଲ କରିଛନ୍ତି । ଆଣ୍ଡରସନଙ୍କ ନାମରେ 616 ଟେଷ୍ଟ ୱିକେଟ ରହିଛି ଯାହାକି, ବ୍ରଡଙ୍କ ଠାରୁ 98ଟି ଅଧିକ । ସକ୍ରିୟ ଖେଳାଳି ଭାବେ ସର୍ବାଧିକ ୱିକେଟ ହାସଲକାରୀ ଖେଳାଳିଙ୍କ ମଧ୍ୟରେ ଶୀର୍ଷ 10 ତାଲିକାରେ ରହିଛନ୍ତି ବ୍ରଡ ।
ବ୍ୟୁରୋ ରିପୋର୍ଟ, ଇଟିଭି ଭାରତ
