15 କୋଟି ଟଙ୍କା ଠକେଇର ଶିକାର ହେଲେ ଧୋନି

MS Dhoni duped of Rs 15 crore: ଧୋନିଙ୍କୁ ଚୂନ ଲଗାଇଲେ ତାଙ୍କ ପୂର୍ବତନ ବିଜନେସ ପାର୍ଟନର । ଦୁଇ ଜଣଙ୍କ ବିରୋଧରେ କୋର୍ଟରେ ଅଭିଯୋଗ । ଅଧିକ ପଢନ୍ତୁ

ରାଞ୍ଚି: ଠକେଇର ଶିକାର ହେଲେ ଭାରତୀୟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନି । ଧୋନିଙ୍କ ଠାରୁ 15 କୋଟି ଟଙ୍କା ଠକେଇ କଲେ ତାଙ୍କ ପୂର୍ବତନ ବିଜନେସ ପାର୍ଟନର । ଆର୍କା ସ୍ପୋର୍ଟସ ଆଣ୍ଡ ମ୍ୟାନେଜମେଣ୍ଟ ଲିମିଟେଡର ଦୁଇଜଣ ଅଧିକାରୀଙ୍କ ବିରୋଧରେ ସେ ଏପରି ଅଭିଯୋଗ ଆଣିଛନ୍ତି । ସେ ମିହିର ଦିୱାକର ଏବଂ ସୌମ୍ୟ ବିଶ୍ବାସଙ୍କ ବିରୋଧରେ ରାଞ୍ଚି କୋର୍ଟରେ ଏକ ମାମଲା ଦାୟର କରିଛନ୍ତି ।

ଏକ ବିଶ୍ବସ୍ତରୀୟ କ୍ରିକେଟ୍ ଏକାଡେମୀ ପ୍ରତିଷ୍ଠା ପାଇଁ ଆର୍କା ସ୍ପୋର୍ଟସ ଆଣ୍ଡ ମ୍ୟାନେଜମେଣ୍ଟ ଲିମିଟେଡ କମ୍ପାନୀ ସହିତ ଏକ ଚୁକ୍ତି କରିଥିଲେ ମହେନ୍ଦ୍ର ସିଂ ଧୋନି । କିନ୍ତୁ କମ୍ପାନୀ ଏହି ଚୁକ୍ତି ଅନୁଯାୟୀ ନିୟମ ପାଳନ କରିନଥିଲା । ଅନେକ ଥର ଧୋନି ମଧ୍ୟ ଏନେଇ ନୋଟିସ ଜାରି କରିଛନ୍ତି । କିନ୍ତୁ ମିହିର ଦିୱାକର ଏବଂ ସୌମ୍ୟ ବିଶ୍ବାସ କୌଣସି ପ୍ରତିକ୍ରିୟା ଦିଅନ୍ତି ନାହିଁ । ଡିଲ୍ ଅନୁଯାୟୀ କମ୍ପାନୀ ପକ୍ଷରୁ ଧୋନିଙ୍କୁ ଟଙ୍କା ଦିଆଯାଇନଥିଲା ।

କ୍ରିକେଟ୍ ଏକାଡେମୀ ପାଇଁ 2017 ମସିହାରେ ସମ୍ପୃକ୍ତ କମ୍ପାନୀର 2 ଅଧିକାରୀ ଓ ଧୋନିଙ୍କ ମଧ୍ୟରେ ଏକ ଡିଲ ହୋଇଥିଲା । ଡିଲ ଅନୁଯାୟୀ ଆର୍କା ସ୍ପୋର୍ଟସ ଫ୍ରାଞ୍ଚାଇଜ ଫି ଓ ଲାଭ ଟଙ୍କା ଧୋନିଙ୍କୁ ସେୟାର କରିବାର ଥିଲା । ପର ମୁହୁର୍ତ୍ତରେ କମ୍ପାନୀ ଏହି ନିୟମକୁ ଉଲ୍ଲଂଘନ କରିଥିଲା । ଫଳରେ ଅନେକ ଆର୍ଥିକ କ୍ଷତି ସହିଥଲେ ଧୋନି । 2021 ଅଗଷ୍ଟ 15 ତାରିଖରେ ଆର୍କା ସ୍ପୋର୍ଟସ କମ୍ପାନୀକୁ ଏକ ନୋଟିସ ଜାରି କରାଯାଇଥିଲା ।

ଅନେକ ଥର ନୋଟିସ ଜାରି କରିଥିଲେ ମଧ୍ୟ କମ୍ପାନୀ ତରଫରୁ କୌଣସି ଉତ୍ତର ଦିଆଯାଉନଥିଲା । ଆର୍କା ସ୍ପୋର୍ଟସ କମ୍ପାନୀ ବିରୋଧରେ ଅଭିଯୋଗ ପରେ ଧୋନିଙ୍କ ବନ୍ଧୁ ସିମାନ୍ତ ଲୋହାନିଙ୍କୁ ମିହିର ଦିୱାକର ଧମକ ଦେଇଥିବା ସେ ଅଭିଯୋଗ କରିଛନ୍ତି । ବର୍ତ୍ତମାନ ସୁଦ୍ଧା ଦୁଇ ବିଜନେସ ମ୍ୟାନଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ ।