କଟକ: କଳାହାଣ୍ଡି କପ 2021ରେ ବାଜି ମାରିନେଲା କଟକ-ଏ ଦଳ । ଦୁଇ ଦିନ ଧରି ଜାରି ରହିଥିଲା କଳାହାଣ୍ଡି କପ୍ର ରୋମାଞ୍ଚକର ଫାଇନାଲ ମ୍ୟାଚ । ଫାଇନାଲ ମ୍ୟାଚରେ କଟକ- ଏ ଦଳକୁ ଭେଟିଥିଲା ଇଷ୍ଟ କୋଷ୍ଟ ରେଳବାଇ ଦଳ । ଏହି ମ୍ୟାଚରେ କଟକ-ଏ ଇଷ୍ଟ କୋଷ୍ଟ ରେଳବାଇ ଦଳକୁ ୮୨ ରନ୍ରେ ପରାସ୍ତ କରିଛି ।
ସେପ୍ଟେମ୍ବର ୮ ତାରିଖରୁ ଆରମ୍ଭ ହୋଇଥିଲା କଳାହାଣ୍ଡି କପ୍ ୨୦୨୧ । ଏହ ମେଗା ପ୍ରତିଯୋଗିତା ଆଜି ଶେଷ ହୋଇଛି । ଭିଜନ 2024କୁ ଆଖି ଆଗରେ ଓସିଏ ନୂଆ ଯୋଜନା ସହ ଚଳିତବର୍ଷ କଳାହାଣ୍ଡି କପ ଆୟୋଜନ କରିଥିଲା । ତେବେ ଆଜିର ଉଦଯାପନୀ ଦିବସରେ କ୍ରୀଡ଼ାମନ୍ତ୍ରୀ ତୁଷାରକାନ୍ତି ବେହେରା ଉପସ୍ଥିତ ରହି ଉଭୟ ଦଳର ଖେଳାଳିଙ୍କୁ ସମ୍ବର୍ଦ୍ଧନା ଦେଇଥିଲେ ।
କଳାହାଣ୍ଡି କପ ୨୦୨୧ରେ ବାଜି ମାରିଲା କଟକ-ଏ
ଆଗମୀ ଦିନରେ କିପରି ଓସିଏ ଉଚ୍ଚ କୋଟିର କ୍ରିକେଟର ତିଆରି କରିପାରିବ ସେ ଦିଗରେ ଦୃଷ୍ଟି ଦିଆଯିବ । ଏଥିପାଇଁ ଯଥାେଚିତ ପଦକ୍ଷେପ ନିଆଯିବ ବୋଲି କହିଛନ୍ତି ମନ୍ତ୍ରୀ ତୁଷାରକାନ୍ତି ବେହେରା ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
