ମୁମ୍ବାଇ: ମଙ୍ଗଳବାର ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଦର୍ଶକ ଦେଖିଲେ ଅବିଶ୍ବସନୀୟ କ୍ରିକେଟ୍ । ଆଫଗାନିସ୍ତାନ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିବା ଏହି ମ୍ୟାଚ୍ରେ ଅଷ୍ଟ୍ରେଲୀୟ ଷ୍ଟାର ଅଲରାଉଣ୍ଡର ଗ୍ଲେନ୍ ମ୍ୟାକ୍ସୱେଲ୍ଙ୍କ ଅବିଶ୍ବସନୀୟ ଦ୍ବିଶତକୀୟ ପାଳି ବଳରେ ଏହି ମ୍ୟାଚ୍ ଅଷ୍ଟ୍ରେଲିଆ ୩ ୱିକେଟ୍ରେ ଜିତିଥିଲା । ତେବେ ଏହି ମ୍ୟାଚ୍ରେ ଦଳର ପରାଜୟ ସତ୍ତ୍ବେ ପ୍ରଥମେ ବ୍ୟାଟିଂ କରିଥିବା ଆଫଗାନୀ ଓପନର ଇବ୍ରାହିମ୍ ଜଦ୍ରାନ ଇତିହାସ ରଚିଥିଲେ । ଏହି ମ୍ୟାଚ୍ରେ ସେ ୧୨୯ ରନର ପାଳି ଖେଳିଥିଲେ । ଏହା ସହିତ ଆଫଗାନିସ୍ତାନ କ୍ରିକେଟ୍ ଇତିହାସରେ ପ୍ରଥମ ବ୍ୟାଟର ଭାବେ ଜଦ୍ରାନ ବିଶ୍ବକପ୍ ଶତକ ହାସଲ କରିଥିଲେ । ତେବେ ଏହି ସ୍ମରଣୀୟ ପାଳି ଖେଳିବାର ଶ୍ରେୟ ସେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କୁ ଦେଇଥିଲେ ।
-
Ibrahim Zadran's incredible hundred at the Wankhede was borne out of some great advice from Sachin Tendulkar 👀#AUSvAFG #CWC23https://t.co/X2CcmhTPdC
— ICC Cricket World Cup (@cricketworldcup) November 7, 2023 " class="align-text-top noRightClick twitterSection" data="
">Ibrahim Zadran's incredible hundred at the Wankhede was borne out of some great advice from Sachin Tendulkar 👀#AUSvAFG #CWC23https://t.co/X2CcmhTPdC
— ICC Cricket World Cup (@cricketworldcup) November 7, 2023Ibrahim Zadran's incredible hundred at the Wankhede was borne out of some great advice from Sachin Tendulkar 👀#AUSvAFG #CWC23https://t.co/X2CcmhTPdC
— ICC Cricket World Cup (@cricketworldcup) November 7, 2023
ଏହି ମ୍ୟାଚ୍ରେ ଆଫଗାନିସ୍ତାନର ଟପ୍ ଅର୍ଡର ବ୍ୟାଟରଙ୍କ ମଧ୍ୟରୁ କେହି ୩୦ ରନରୁ ଅଧିକ ରନ୍ ସଂଗ୍ରହ କରିବାରେ ସକ୍ଷମ ହୋଇନଥିଲେ । ହେଲେ ଅନ୍ୟପଟେ ଜଦ୍ରାନ ଧୈର୍ଯ୍ୟପୂର୍ଣ୍ଣ ଭାବେ ଶତକୀୟ ପାଳି ଖେଳିଥିଲେ । ସେ ଏହି ମ୍ୟାଚ୍ରେ ୧୪୩ ବଲର ସମ୍ମୁଖୀନ ହୋଇ ୮ ଚୌକା ଓ ୩ ଛକା ବଳରେ ୧୨୯ ରନର ମହତ୍ତ୍ବପୂର୍ଣ୍ଣ ପାଳି ଖେଳି ଇତିହାସ ରଚିଥିଲେ । ତେବେ ଏହି ମ୍ୟାଚ୍ ପୂର୍ବରୁ ଅର୍ଥାତ ଗତ ସୋମବାର ମହାନ ଭାରତୀୟ ବ୍ୟାଟର ସଚିନ୍ ତେନ୍ଦୁଲକର ଆଫଗାନିସ୍ତାନ ଖେଳାଳିଙ୍କୁ ଭେଟିଥିଲେ । ଏହି ସମୟରେ ଇବ୍ରାହିମ ମଧ୍ୟ ତାଙ୍କ ସହ କିଛି ଆଲୋଚନା କରିଥିଲେ । ଏହାର ଭିଡିଓ ଆଇସିସି ପକ୍ଷରୁ ମଧ୍ୟ ଜାରି କରାଯାଇଥିଲା । ଏହାର ଗୋଟିଏ ଦିନ ପରେ ଅର୍ଥାତ ମଙ୍ଗଳବାର ଇବ୍ରାହିମ ଶତକ ମାରିବା ପରେ ଏହି ସଫଳତାର ଶ୍ରେୟ ସଚିନଙ୍କୁ ଦେଇଥିଲେ ।
ଶତକ ହାସଲ କରିବା ପରେ ଇବ୍ରାହିମ୍ କହିଥିଲେ, "ସଚିନ୍ଙ୍କ ସହ ମୋର ଭଲ ଆଲୋଚନା ହୋଇଥିଲା । ସେ ନିଜର ଅନୁଭବ ମୋ ସହ ବାଣ୍ଟିଥିଲେ । ମ୍ୟାଚ୍ ପୂର୍ବରୁ ଆଜି ମୁଁ ସଚିନ୍ଙ୍କ ଭଳି ବ୍ୟାଟିଂ କରିବି ବୋଲି କହିଥିଲି । ସଚିନ ମୋ ମଧ୍ୟରେ ବହୁତ ଶକ୍ତି ଏବଂ ଆତ୍ମବିଶ୍ବାସ ଭରିଛନ୍ତି ।" ଏହାଛଡ଼ା ଦଳ ପାଇଁ ପ୍ରଥମ ଶତକ ହାସଲ କରି ବହୁତ ଭଲ ଅନୁଭବ କରୁଥିବା ଇବ୍ରାହିମ କହିଥିଲେ । ଏହି ଟୁର୍ଣ୍ଣାମେଣ୍ଟ ଲାଗି ସେ ବହୁତ ପରିଶ୍ରମ କରିଛନ୍ତି । ପାକିସ୍ତାନ ବିପକ୍ଷରେ ସେ ୮୭ ରନର ପାଳି ଖେଳି ଆଉଟ୍ ହୋଇଥିଲେ । ପ୍ରଥମ ଶତକରୁ ମାତ୍ର ୧୩ ରନ୍ ପଛରେ ରହିଯାଇଥିଲେ ଜଦ୍ରାନ । ହେଲେ ଅଷ୍ଟ୍ରେଲିଆ ବିପକ୍ଷ ଗୁରୁତ୍ବପୂର୍ଣ୍ଣ ମ୍ୟାଚ୍ରେ ଶତକ ହାସଲ କରିବାରେ ସଫଳ ହୋଇଥିବା ସେ କହିଥିଲେ ।
ବିଶ୍ବକପ୍ ଇତିହାସରେ ଆଫଗାନୀ କ୍ରିକେଟରଙ୍କ ସର୍ବାଧିକ ସ୍କୋର:
୧୨୯*- ଇବ୍ରାହିମ୍ ଜଦ୍ରାନ (ବନାମ ଅଷ୍ଟ୍ରେଲିଆ-୨୦୨୩)
୯୬- ସମିଉଲ୍ଲା ଶିନୱାରୀ (ବନାମ ଏସ୍ସିଓଟି-୨୦୧୫)
୮୭- ଇବ୍ରାହିମ ଜଦ୍ରାନ (ବନାମ ପାକିସ୍ତାନ-୨୦୨୩)
୮୦- ହସମତୁଲ୍ଲା ଶାହିଦି (ବନାମ ଭାରତ-୨୦୨୩)
ବ୍ୟୁରୋ ରିପୋର୍ଟ, ଇଟିଭି ଭାରତ
