ଲଣ୍ଡନ: ଧୋନୀଙ୍କୁ ଖେଳିବାକୁ ଆସିଛ ନା ମହାଭାରତ ପାଇଁ କହି ଟାର୍ଗେଟ କରିଛନ୍ତି ପାକିସ୍ତାନ ମନ୍ତ୍ରୀ । ବିଶ୍ବକପରେ ଭାରତ ଦକ୍ଷିଣ ଆଫ୍ରିକା ବିପକ୍ଷରେ ପ୍ରଥମ ମ୍ୟାଚ ଖେଳିଥିଲା । ଧୋନୀଙ୍କ କିପିଂ ଗ୍ଲୋବ୍ସରେ ଭାରତୀୟ ପାରା ସ୍ପେଶାଲ ଫୋର୍ସର ବଳିଦାନର ସଂକେତଥିବା ଦେଖାଯାଇଥିଲା । ଏହାକୁ ନେଇ ଏବେ ନୂଆ ବିବାଦ ଦେଖାଦେଇଛି ।
ପାକିସ୍ତାନର ବାଣିଜ୍ୟ ଓ ପ୍ରଯୁକ୍ତି ବିଦ୍ୟା ମନ୍ତ୍ରୀ ଫୱାଦ ଚୌଧୁରୀ ଏନେଇ ଧୋନୀଙ୍କୁ ଟାର୍ଗେଟ କରିଛନ୍ତି । ଇଂଲଣ୍ଡରେ ଧୋନୀ ବିଶ୍ବକପ ଖେଳିବାକୁ ଯାଇଛନ୍ତି ନା ମହାଭାରତ କରିବାକୁ ବୋଲି କଟାକ୍ଷ କରି ଫୱାଦ ଟ୍ବିଟରେ ଲେଖିଛନ୍ତି । ଏବଂ ଭାରତୀୟ ଗଣମାଧ୍ୟମକୁ ମଧ୍ୟ କଡା ସମାଲୋଚନା କରିଛନ୍ତି । ଏହି ଘଟଣାକୁ ଭାରତୀୟ ମିଡିଆ ଦେଶପ୍ରେମ କହୁଛି । ସେଥିପାଇଁ ଭାରତୀୟ ଗଣମାଧ୍ୟମକୁ ସିରିଆ ଓ ଆଫଗାନିସ୍ତାନ ଯିବାପାଇଁ କହିଛନ୍ତି ପାକ ମନ୍ତ୍ରୀ ।
ଭାରତୀୟ ପ୍ରଶଂସକ ଧୋନୀଙ୍କ ଜବାନଙ୍କ ପ୍ରତି ଥିବା ସମ୍ମାନକୁ ନେଇ ପ୍ରଂଶସା କରିଥିଲେ । ତେବେ ଧୋନୀ ଏହି ଗ୍ଲୋବ୍ସ ବ୍ୟବହାର କରି ମ୍ୟାଚ ଖେଳିବାକୁ ଆପତ୍ତି ଉଠାଇଛି ଆଇସିସି । ଗ୍ଲୋବ୍ସରୁଏହି ସଂକେତ ହଟାଇବାକୁ ବିସିସିଆଇକୁ ଏନେଇ ଆଇସିସି ପକ୍ଷରୁ ଅନୁରୋଧ କରାଯାଇଛି ।
