ମାଞ୍ଚେଷ୍ଟର: ବିଶ୍ବକପ ଲଢେଇରେ ଶନିବାର 2ଟି ମ୍ୟାଚ ଖେଳାଯାଉଛି । ଭାରତ ଆଫଗାନିସ୍ତାନ ମ୍ୟାଚ ଚାଲିଥିବାବେଳେ ନ୍ୟୁଜିଲାଣ୍ଡ-ୱେଷ୍ଟଇଣ୍ଡିଜ ଟକ୍କର ଚାଲିଛି ।
ଟସ ଜିତି ପ୍ରଥମେ ବୋଲିଂ ପାଇଁ ନିଷ୍ପତ୍ତି ନେଇଛି ୱେଷ୍ଟଇଣ୍ଡିଜ । ନ୍ୟୁଜିଲାଣ୍ଡର 2 ଓପନର ମାର୍ଟିନ ଗୁପ୍ଟିଲ ଓ କଲିନ ମୁନରୋ ଶୂନରେ ଆଉଟ ହୋଇ ପାଭିଲିୟନ ଫେରିଛନ୍ତି । ମ୍ୟାଚର ପ୍ରଥମ ଓଭରର ପ୍ରଥମ ବଲରେ ଗୁପ୍ଟିଲ ଓ 5ମ ବଲରେ ମନ୍ରୋଙ୍କୁ କଟ୍ରେଲ ଆଉଟ କରିଦେଇଛନ୍ତି ।
ତେବେ ନ୍ୟୁଜିଲାଣ୍ଡ ପାଳିକୁ କ୍ୟାପଟେନ ୱିଲିୟମସନ ଓ ରସ ଟେଲର ଆଗକୁ ବଢାଇଛନ୍ତି । ଉଭୟଙ୍କ ମଧ୍ୟରେ 100 ରନର ପାର୍ଟନରସିପ ପୁରା ହୋଇଛି । ୱିଲିୟମସନ ଓ ଟେଲର ଅର୍ଦ୍ଧଶତକ ପୂରଣ କରି ଅପରାଜିତ ରହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
