ଲର୍ଡ୍ସ: ବିଶ୍ବକପ ଲଢେଇରେ ଆଜି ପାକିସ୍ତାନ ଦକ୍ଷିଣ ଆଫ୍ରିକାକୁ 49 ରନରେ ହରାଇଛି । ତେବେ ପ୍ରଥମେ ବ୍ୟାଟିଂ କରି ପାକିସ୍ତାନ 7ୱିକେଟ ହରାଇ 308 ରନ କରିଥିଲା । ବାବାର ଆଜାମ 69, ଇମାମ-ଉଲ-ହକ 44, ଓ ଫକର ଜମନ 44ରନ କରିଥିଲେ ।
ମହମ୍ମଦ ହାଫିଜ ମାତ୍ର 20 ରନ କରି ଆଉଟ ହୋଇଥିଲେ । ତେବେ ମ୍ୟାଚର ଶେଷ 5 ଓଭରରେ ପାକିସ୍ତାନ ଧୁଆଁଧାର ବ୍ୟାଟିଂ କରିଥିଲା । ଇମାଦ ୱାସିମ 15 ବଲରେ 23 ରନ କରିଥିଲେ । ପାକିସ୍ତାନ ପକ୍ଷରୁ ହାରିସ ସୋହେଲ ସର୍ବାଧିକ 59 ବଲରୁ 9ଚୌକା ଓ 3ଛକା ସହାୟତାରେ 89 ରନ କରିଥିଲେ । ଫଳରେ ପାକିସ୍ତାନର ସ୍କୋରକୁ 300 ପାର ହୋଇଥିଲା । ଦକ୍ଷିଣ ଆଫ୍ରିକା ପକ୍ଷରୁ ଲୁଙ୍ଗି ଏଙ୍ଗିଡି ସର୍ବାଧିକ 3ଟି ଓ ଇମ୍ରାନ ତାହିର 2ଟି ୱିକେଟ ନେଇଥିଲେ । ଆଡେନ ମାକ୍ରେମ ଗୋଟିଏ ଓ ଆଣ୍ଡିଲେ ଫେଲୁକାୱ ଗୋଟିଏ ୱିକେଟ ନେଇଥିଲେ ।
309ରନର ବିଜୟ ଲକ୍ଷ୍ୟକୁ ପିଛାକରି ମାତ୍ର 4 ରନରେ ହାସିମ ଅମଲାଙ୍କ ୱିକେଟ ହରାଥିଲା ଦକ୍ଷିଣ ଆଫ୍ରିକା । ଦକ୍ଷିଏ ଆଫ୍ରିକା ପକ୍ଷରୁ କ୍ୟାପଟେନ ଡୁପ୍ଲେସିସ ସର୍ବାଧିକ 63 ରନ କରିଥିଲେ । ଡି କକ 47 ରନ କରି ଆଉଟ ହୋଇଥିଲେ ।
ଶେଷ ଭାଗରେ ରଷି ଭାନ ଦର ଡସନ 36, ଆଣ୍ଡିଲେ ଫେହେଲ୍ଲୁୱାଓ 46 ଓ କ୍ରିସ ମୋରିସ 10 ବଲରେ 16 ରନ କରିଥିଲେ । ତେବେ ଏହା ଦକ୍ଷିଣା ଆଫ୍ରିକା ବିଜୟ ପାଇଁ ଯଥେଷ୍ଟ ହୋଇନଥିଲା । 259 ରନରେ ଅଲଆଉଟ ହୋଇଥିଲା ଦଳ । ଫଳରେ 49 ରନରେ ମ୍ୟାଚ ଜିତିଥିଲା ପାକିସ୍ତାନ । ଫାଷ୍ଟ ବୋଲର ୱାହାବ ରିଆଜ ଓ ସଦାବ ଖାନ 3ଟି ଲେଖାଏଁ ୱିକେଟ ନେଇଥିଲେ । ମହମ୍ମଦ ଆମିର 2ଟି ଓ ସାହିନ ଆଫ୍ରିଦି ଗୋଟିଏ ୱିକେଟ ନେଇ ଦକ୍ଷିଏ ଆଫ୍ରିକାର ବିଜୟକୁ କଷ୍ଟକର କରିଦେଇଥିଲେ ।
