ହାଇଦ୍ରାବାଦ: ଭାରତୀୟ ଟିମ ମ୍ୟାନେଜମେଣ୍ଟକୁ ଭାରତୀୟ ପ୍ରଶଂସକଙ୍କ ରୋଷର ଶୀକାର ହେବାକୁ ପଡିଛି । ସେମି ମୁକାବିଲାର ଚୂଡାନ୍ତ ଏକାଦଶରେ ପେସ ବୋଲର ମହମ୍ମଦ ସାମିଙ୍କୁ ଦଳରେ ସାମିଲ ନକରାଯିବାକୁ ନେଇ ପ୍ରଶ୍ନ ଉଠିଛି । ଏନେଇ ସୋସିଆଲ ମିଡିଆରେ ଟିମ ମ୍ୟାନେଜମେଣ୍ଟର ନିଷ୍ପତ୍ତିକୁ ସମାଲୋଚନା କରାଯାଉଛି ।
ସାମି ବିଶ୍ବକପରେ 4ଟି ମ୍ୟାଚ ଖେଳି 14 ଟି ୱିକେଟ ଅକ୍ତିଆର କରିଛନ୍ତି । ସେଥିମଧ୍ୟରେ ଗୋଟିଏ ହ୍ରାଟିକ ମଧ୍ୟ ସାମିଲ ରହିଛି । ତେବେ ସେମିଫାଇନାଲ ଭଳି ନକଆଉଟ ମ୍ୟାଚରେ 5ଜଣ ବୋଲରଙ୍କୁ ନେଇ ଖେଳିବାକୁ ନେଇ ସହଜରେ ଗ୍ରହଣ କରିପାରିନାହାଁନ୍ତି ଭାରତୀୟ ପ୍ରଶଂସକ । ସାମି ଓ କୂଲଦିପଙ୍କ ସ୍ଥାନରେ ଭୁବନେଶ୍ବର କୁମାର ଓ ଜାଡେଜାଙ୍କୁ ଖେଳାଇବାକୁ ଆପତ୍ତି ଉଠାଇଛନ୍ତି ବହୁ ପ୍ରଶଂସକ ।
ପୂର୍ବତନ କ୍ରିକେଟର ସୌରଭ ଗାଙ୍ଗୁଲି, ଆକାଶ ଚୋପ୍ରା, କମେଣ୍ଟେଟର ହର୍ଷ ଭୋଗଲେ ସାମିଙ୍କୁ ଚୂଡାନ୍ତ ଏକାଦଶରେ ସ୍ଥାନ ନମିଳିବା ନେଇ ଆଶ୍ଚର୍ଯ୍ୟ ପ୍ରକଟ କରିଛନ୍ତି ।
