ଲଣ୍ଡନ: ରବିବାର ବିଶ୍ବକପରେ ହେବ ମହାମୁକାବଲା । ଆଇସିସି ମାନ୍ୟତାର 2 ଟପ ଟିମ ଭାରତ ଓ ଇଂଲଣ୍ଡ ହେବେ ମୁହାଁମୁହିଁ । ଏପଟେ ମୋର୍ଗାନଙ୍କ ନେତୃତ୍ବାଧୀନ ଇଂଲଣ୍ଡକୁ ଚିତପଟାଙ୍ଗ କରିବାକୁ ତୟାର ଅପରାଜେୟ ବିରାଟ ବାହିନୀ ।
ମ୍ୟାଚ ପୂର୍ବରୁ ବିରାଟ କୋହଲି କହିଛନ୍ତି ଇଂଲଣ୍ଡ ବିପକ୍ଷ ମ୍ୟାଚରେ ଭାରତ ଶ୍ରେଷ୍ଠ ପ୍ରଦର୍ଶନ କରିବ । ଅନ୍ୟମ୍ୟାଚ ଭଳି ଏହି ମ୍ୟାଚକୁ ଜିତି ସେମିଫାଇନାଲରେ ସ୍ଥାନ ପକ୍କା କରିବା ଆମର ଟାର୍ଗେଟ୍ । ତେବେ ବିଶ୍ବକପ ପୂର୍ବରୁ ଇଂଲଣ୍ଡକୁ ନେଇ ଅନେକ ଆଲୋଚନା ହେଉଥିଲା । ଦମଦାର ପ୍ରଦର୍ଶନ କରିବ ଓ ଅନ୍ୟଟିମକୁ ସହଜରେ ହରାଇବ । ତେବେ ଘରୋଇ ପରିବେଶରେ ଲଗାତାର 2ଟି ପରାଜୟ ପରେ ଇଂଲଣ୍ଡ ଚାପରେ ରହିଛି । ସୂତା ଖିଅରେ ଝୁଲୁଛି ଇଂଲଣ୍ଡର ସେମିଫାଇନାଲ ସ୍ବପ୍ନ ।
ତେଣୁ କାହାକୁ ଦୁର୍ବଳ ଭାବିବା ଠିକ ନୁହେଁ । ବିଶ୍ବକପରେ ଶ୍ରେଷ୍ଠ 10ଟି ଟିମ୍ ପରସ୍ପର ବିପକ୍ଷରେ ଖେଳୁଛନ୍ତି । କୌଣସି ବି ଟିମ ଅନ୍ୟକୁ ହରାଇବାର କ୍ଷମତା ରଖୁଛି ବୋଲି କୋହଲି କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
