ହାଇଦ୍ରାବାଦ: ବିଶ୍ବକପକୁ ନେଇ ପୂର୍ବତନ ଖେଳାଳିଙ୍କ ପୂର୍ବାନୁମାନ ଜାରିରହିଛି । ଏପଟେ ଏହି ତାଲିକାରେ ସାମିଲ ହୋଇଛନ୍ତି ଇଂଲଣ୍ଡର ପୂର୍ବତନ କ୍ୟାପଟେନ ନାସିର ହୁସେନ । ଆଶ୍ଚର୍ଯ୍ୟ କଲାଭଳି ବିଶ୍ବକପ ଆକଳନ କରିଛନ୍ତି ଇଂଲଣ୍ଡର ଏହି ଭେଟେରାନ ଖେଳାଳି ।
ବିଶ୍ବର ସବୁଠୁ ବଡ ଟି-20 ଲିଗ ଆଇପିଏଲ ନିକଟରେ ଶେଷ ହୋଇଛି । ଏବେ ଆଇସିସି ବିଶ୍ବକପ ଉପରେ ସବୁ ଦଳର ନଜର । ସେ କହିଛନ୍ତି, ଭାରତ ଉପରେ ଆମର ନଜର ରହିଛି । ବିଶ୍ବକପରେ 4ଟି ଶ୍ରେଷ୍ଠଦଳ ଆକଳନ କରିଛନ୍ତି ନାସିର । ସେ ଭାରତକୁ ବିଶ୍ବପକପର ବଡ ଦାବିଦାର କହିଛନ୍ତି ।
ଆଇସିସି ମାନ୍ୟତାର 1ନଂ ଦଳ ଭାବେ ଇଂଲଣ୍ଡ ପଡିଆକୁ ଓହ୍ଲାଇବ । ଇଂଲଣ୍ଡ ଦଳ ଚାପରେ ରହିବ । କିନ୍ତୁ ଇଂଲଣ୍ଡରେ ଖେଳହେଉଥିବାରୁ ଇଂଲଣ୍ଡ ବିଶ୍ବକପର ଅନ୍ୟତମ ଦାବିଦାର । ଏହା ସହିତ ନ୍ୟୁଜିଲାଣ୍ଡ ଓ ପାକିସ୍ତାନ ସମସ୍ତଙ୍କୁ ଚକିତ କରି ଭଲ ଖେଳିପାରନ୍ତି ବୋଲି ନାସିର କହିଛନ୍ତି । ଅଷ୍ଟ୍ରେଲିଆକୁ ସେ ଶ୍ରେଷ୍ଠ 4ଟି ଦଳ ମଧ୍ୟରେ ରଖିନାହଁନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
