କୋଲକାତା: ୱେଷ୍ଟଇଣ୍ଡିଜ ଅଲରାଉଣ୍ଡର ଆଣ୍ଡ୍ରେ ରସେଲ ନିଜର ଆଇପିଏଲ ଟିମକୁ ନେଇ ଖୁଲାସା କରିଛନ୍ତି । ରସେଲ କହିଛନ୍ତି, କ୍ରିକେଟ କ୍ୟାରିୟର ଶେଷ ପର୍ଯ୍ୟନ୍ତ କୋଲକାତା ନାଇଟ ରାଇଡର୍ସ(କେକେଆର) ସହ ରହିବାକୁ ସେ ପସନ୍ଦ କରିବେ ।
2014 ପରଠାରୁ ଶାହାରୁଖ ଖାନଙ୍କ ଆଇପିଏଲ ଟିମ କେକେଆର ଟିମର ପ୍ରମୁଖ ଖେଳାଳି ରହିଛନ୍ତି ରସେଲ । ଏଥିସହିତ କେକେଆରର ଶ୍ରେଷ୍ଠ ମ୍ୟାଚ ୱିନର ମଧ୍ୟ ସାବ୍ୟସ୍ତ ହୋଇଛନ୍ତି । କୋଲକାତା ନାଇଟ ରାଇଡର୍ସ ପକ୍ଷରୁ ମୋଟ 57ଟି ମ୍ୟାଚରୁ ସେ 1342 ରନ ସଂଗ୍ରହ କରିଛନ୍ତି ।
ଏଥିସହିତ 54ଟି ୱିକେଟ ମଧ୍ୟ ରସେଲଙ୍କ ନାମରେ ରହିଛି । ଆଇପିଏଲ ତାଙ୍କୁ ଅଧିକ ପରିଚୟ ଓ ସମ୍ମାନ ପ୍ରଦାନ କରିଥିବା ଷ୍ଟାର ଅଲରାଉଣ୍ଡର ରସେଲ କହିଛନ୍ତି ।
