ହାଇଦ୍ରାବାଦ: ପୂର୍ବତନ ଭାରତୀୟ ଅଲରାଉଣ୍ଡର ଯୁବରାଜ ସିଂହ ଗୁରୁବାର 2011 ବିଶ୍ବକପ ବିଜୟର ମୁହୂର୍ତ୍ତକୁ ମନେ ପକାଇଛନ୍ତି ଓ କହିଛନ୍ତି ଯେ ‘ସବୁ ଭାରତୀୟଙ୍କ ପାଇଁ ସେହି କ୍ଷଣ କିପରି ଥିଲା ତାହା ଶବ୍ଦରେ କହିବା ସମ୍ଭବ ନୁହେଁ’ ।
ଟ୍ବିଟରରେ ଏକ ପୋଷ୍ଟ କରି ଯୁବରାଜ ଲେଖିଛନ୍ତି ଯେ, ’ସେହି ମୁହୂର୍ତ୍ତ ସବୁ ଭାରତୀୟଙ୍କ ପାଇଁ କିପରି ଥିଲା ତାହା ଶବ୍ଦରେ ବ୍ୟାଖ୍ୟା କରିବା ସମ୍ବବ ନୁହେଁ, ଏହା ହି ସେହି କ୍ଷଣ ଯାହା ପାଇଁ ଆମେ ବଞ୍ଚିଛୁ । ଜୟ ହିନ୍ଦ ।’ (Words will never be able to describe what a moment for every Indian it was , this it what we live for !!jai Hind)
-
Words will never be able to describe what a moment for every Indian it was , this it what we live for !!jai Hind 🇮🇳 pic.twitter.com/rsldfWv79E
— yuvraj singh (@YUVSTRONG12) April 2, 2020 " class="align-text-top noRightClick twitterSection" data="
">Words will never be able to describe what a moment for every Indian it was , this it what we live for !!jai Hind 🇮🇳 pic.twitter.com/rsldfWv79E
— yuvraj singh (@YUVSTRONG12) April 2, 2020Words will never be able to describe what a moment for every Indian it was , this it what we live for !!jai Hind 🇮🇳 pic.twitter.com/rsldfWv79E
— yuvraj singh (@YUVSTRONG12) April 2, 2020
2011 ଆଜିର ଦିନରେ ବିଶ୍ବକପ ଜିତିଥିଲା ଭାରତୀୟ ଟିମ । ଆଉ ଯୁବିଙ୍କ ପାଇଁ ଏହା ସବୁବେଳେ ଅଧିକ ସ୍ମରଣୀୟ ହୋଇ ରହିବ କାରଣ ସେ ବିଶ୍ବକପରେ ‘ପ୍ଲେୟର ଅଫ ଦ ମ୍ୟାଚ’ ଭାବେ ବିବେଚିତ ହୋଇଥିଲେ । ଏହି ଟୁର୍ଣ୍ଣାମେଣ୍ଟରେ ସେ 362 ରନ କରିବା ସହ 15ଟି ୱିକେଟ ମଧ୍ୟ ନେଇଥିଲେ ।
ବିଶ୍ବକପ ଫାଇନାଲରେ ଶ୍ରୀଲଙ୍କା ଟିମ ପ୍ରଥମେ ଟସ ଜିତି ବ୍ୟାଟିଂ ନିଷ୍ପତ୍ତି ନେଇଥିଲା । ଶ୍ରୀଲଙ୍କା ପକ୍ଷରୁ ମହେଲା ଜୟବର୍ଦ୍ଧନେ ଶତକ କରି ଟିମର ସ୍କୋରକୁ 274/6 ରେ ପହଞ୍ଚାଇଥିଲେ ।
275 ରନର ବିଜୟ ଲକ୍ଷକୁ ପିଛା କରି ପଡିଆକୁ ଓହ୍ଲାଇଥିବା ଧୋନି ବାହିନୀର ଆରମ୍ଭ ଖରାପ ଥିଲା । ସ୍କୋର ବୋର୍ଡରେ ମାତ୍ର 31 ରନ ହୋଇଥିବା ବେଳେ ସଚିନ ଓ ସେହୱାଗ ପଭିଲିୟନ ଫେରିଥିଲେ । ଯାହାପରେ ଗମ୍ବୀର ଓ ଧୋନି 109ର ଭାଗିଦାରୀ କରି ଟିମକୁ ବିଜୟ ଦ୍ବାରଦେଶରେ ପହଁଞ୍ଚାଇଥିଲେ । 97 ରନ କରି ଆଉଟ ହୋଇଥିଲେ ଗୌତମ ଗମ୍ଭୀର । ତାପରେ ଧୋନି (91*) ଓ ଯୁବରାଜ (21*) 6 ୱିକେଟ ହାତରେ ଥାଇ ଭାରତକୁ ବିଜୟ ରେଖା ପାରି କରାଇଥିଲେ ।
1983 ମସିହା ପରେ ଦୀର୍ଘ 28 ବର୍ଷର ଅପେକ୍ଷାର ଅନ୍ତ ହେଲା ଓ ଭାରତ ବିଶ୍ବବିଜୟୀ ହୋଇଥିଲା ।
