ହାଇଦ୍ରାବାଦ: ଅନ୍ତର୍ଜାତୀୟ କ୍ରିକେଟ ପରିଷଦ(ICC) ଟୁର୍ଣ୍ଣାମେଣ୍ଟର ଶ୍ରେଷ୍ଠ ମହିଳା ଟି-20 ବିଶ୍ବକପ ଟିମ ଘୋଷଣା କରିଛି । ଏହି ଦଳରେ ଏକମାତ୍ର ଭାରତୀୟ ଖେଳାଳି ଭାବେ ଲେଗ ସ୍ପିନର ପୁନମ ଯାଦବଙ୍କୁ ସ୍ଥାନ ମିଳିଛି । ଦ୍ବାଦଶ ପ୍ଳେଆର ଭାବେ ଭାରତୀୟ ଓପନର ଶେଫାଳି ବର୍ମାଙ୍କୁ ସ୍ଥାନ ମିଳିଛି ।
ଘୋଷିତ ଟିମରେ ଚମ୍ପିଆନ ଅଷ୍ଟ୍ରେଲିଆର 5ଜଣ ଓ ଇଂଲଣ୍ଡର 4ଜଣ ଖେଳାଳି ରହିଛନ୍ତି । ଦୁଇ ଅଷ୍ଟ୍ରେଲିଆ ଓପନର ଏଲେସ ହେଲି, ବେଥ ମନି, କ୍ୟାପଟେନ ମେଗ ଲାନିଙ୍ଗ, ଜେସ ଜୋନାସନ ଓ ସ୍ପିଡଷ୍ଟାର ମେଗାନ ସ୍କଟ ରହିଛନ୍ତି ।
ଇଂଲଣ୍ଡର ସୋଫି ଇକଲେଷ୍ଟୋନ, ଅନ ଶ୍ରୁବସୋଲ, ୱାଟ ସ୍କିଭର, ହେଥର ନାଇଟ ରହିଛନ୍ତି । ଲାଉରା ୱାଲଭାରଡଟ ଦକ୍ଷିଣ ଆଫ୍ରିକାର ଏକମାତ୍ର ଖେଳାଳି ଭାବେ ସ୍ଥାନ ପାଇଛନ୍ତି ।
