ହାଇଦ୍ରାବାଦ: ଭାରତ ଓ ଇଣ୍ଡିଜ ମଧ୍ୟରେ ଆଣ୍ଟିଗୁଆ ଠାରେ ଟେଷ୍ଟ ସିରିଜ ଚାଲିଛି । ଗୁରୁବାର ଦିନ ଭାରତ ପ୍ରଥମେ ବ୍ୟାଟିଂ କରି ପ୍ରଥମ ଦିନରେ 6 ଓ୍ବିକେଟ ବିନିମୟରେ 203 ରନ୍ ହାସଲ କରିଛି । ତେବେ ଏହି ମ୍ୟାଚ ଚାଲିଥିବା ବେଳେ ଭାରତୀୟ କ୍ରିକେଟ ଦଳର ପୂର୍ବତନ ଖେଳାଳୀ ଓ୍ବାସିମ ଜାଫର ଭାରତୀୟ କ୍ରିକେଟରଙ୍କୁ ଏକ ଚ୍ୟାଲେଞ୍ଜ ଦେଇଛନ୍ତି ।
ସେ କହିଛନ୍ତି ଯେ, ଭାରତୀୟ ଖେଳାଳୀମାନେ ଆଣ୍ଟିଗୁଆରେ ମୋ ରେକର୍ଡସହ ସମତୁ୍ଲ୍ୟ ହୋଇକି ଦେଖାଅ । ସେ ଟ୍ବିଟର ପେଜ୍ରେ ପୋଷ୍ଟ କରି ଉଲ୍ଲେଖ କରିଛନ୍ତି ଯେ, ମୁଁ 2006ରେ ଆଣ୍ଟିଗୁଆରେ 212ରନ ହାସଲ କରିଥିଲି । ମୋର ମନେ ଅଛି ଯେ, ସେହି ପାଳିରେ ଗୋଟିଏ ଛକା ମଧ୍ୟ ମାରିଥିଲି । ଆଶା କରୁଛି ଏହି ଟେଷ୍ଟ ମ୍ୟାଚରେ ମୋ ରେକର୍ଡ ସହ ସମତୁଲ୍ୟ ହୋଇ ଦେଖାଇବେ ।
ଏଥିସହ ସେ ପ୍ରଶଂସକଙ୍କ ପାଇଁ ଲେଖିଛନ୍ତି ଯେ, ଅନୁମାନ କର ଏହି ରେକର୍ଡ କିଏ ଭାଙ୍ଗି ପାରିବ । ସୂଚନାଥାଉକି, ଜାଫର 2006 ମସିହାରେ କଏଲିଥିବା ଟେଷ୍ଟ ମ୍ୟାଚରେ 399 ବଲ୍ରେ 212 ରନ ହାସଲ କରିଥିଲେ । ଏହି ପାଳିରେ 24ଟି ଚୌକା ସହ ଗୋଟିଏ ଛକା ମାରିଥିଲେ ଜାଫର ।
