ମୁମ୍ବାଇ: 21 ଦିନ ପାଇଁ ଦେଶରେ ଲକଡାଉନ ଘୋଷଣା କରାଯାଇଛି । ଅନ୍ୟ ଭାରତୀୟଙ୍କ ପରି ଭାରତୀୟ କ୍ରିକେଟ ଟିମ୍ର ହିଟ୍ ମ୍ୟାନ ରୋହିତ ଶର୍ମା ବି ନିଜ ଘରେ ଦିନ କାଟୁଛନ୍ତି । ତେବେ ତାଙ୍କର ଶରୀରକୁ ଫିଟ ରଖିବାକୁ ସିଢି ଚଢିବା ଓହ୍ଲାଇବା କାମ କରୁଛନ୍ତି ।
ରୋହିତ ଇନ୍ଷ୍ଟାଗ୍ରାମର ଇଂଲଣ୍ଡର ପୂର୍ବତନ ଅଧିନାୟକ କେଭିନ ପିଟରସନଙ୍କ ସହ କଥୋପକଥନ ବେଳେ ସେ କହିଛନ୍ତି ଯେ, ଫିଟ ରହିବା ବହୁତ କଷ୍ଟ ଦାୟକ । ମୁଁ ଯେଉଁ ବିଲ୍ଡିଂରେ ରହୁଛି , ସେଇଟା 54 ମହଲା ବିଶିଷ୍ଟ । ଆମେ ସବୁ ଇଣ୍ଡୋର ଆଉଟ୍ ଡୋର୍ ଗତିବିଧି ବନ୍ଦ କରି ଦେଇଛୁ । ଏହି ସମୟରେ ସିଢି ଚଢିବା-ଓହ୍ଲେଇବା କାମ କରୁଛି । 54 ମହଲା ନୁହେଁ କେବଳ 2-3 ମହଲା । ଏଥିସହ କିଛି ବ୍ୟାୟମ ବି କରୁଛି ।
