ଅହମ୍ମଦାବାଦ: ଭାରତ-ଇଂଲଣ୍ଡ ମଧ୍ୟରେ ଖେଳାଯାଇଥିବା ପ୍ରଥମ ଟି-20 ମ୍ୟାଚରେ ଘରୋଇଦଳକୁ ପରାଜୟର ସାମ୍ନା କରିବାକୁ ପଡିଛି । ଟିମ ଇଣ୍ଡିଆର ଟପ୍ ଅର୍ଡର କେବଳ 5ରନ୍ ସଂଗ୍ରହ କରିଥିଲେ ।
ତେବେ ମ୍ୟାଚ ପରେ କୋହଲି କହିଛନ୍ତି ଯେ, ଆମେ ଏଯାଏଁ ଜାଣିପାରୁ ନାହୁଁ ଏହି ପିଚ୍ରେ କ'ଣ କରିବାକୁ ପଡିବ । ଆମର କିଛି ସଟ୍ ଭଲ ନଥିଲା । ଆମକୁ ଆହୁରି ଅଧିକ ବିଶ୍ବାସ ଓ ଯୋଜନା ସହ ଗ୍ରାଉଣ୍ଡକୁ ଓହ୍ଲାଇବାକୁ ପଡିବ । ଆମେ ଏକ ନିମ୍ନସ୍ତରୀୟ ବ୍ୟାଟିଂ କରିଛୁ ଓ ଇଂଲଣ୍ଡ ଆମ ଠାରୁ ଭଲ ବ୍ୟାଟିଂ କରିଛି । ଶ୍ରେୟସ ଭଲ ବ୍ୟାଟିଂ କରିଛନ୍ତି । କିନ୍ତୁ ଆମ ପାଖରେ ପର୍ଯ୍ୟାପ୍ତ ରନ୍ ନଥିଲା । ଏହା ଏକ ଅନ୍ତରାଷ୍ଟ୍ରୀୟ ମ୍ୟାଚ । ଉତ୍ଥାନପତନ ମଧ୍ୟରେ ମ୍ୟାଚକୁ ନିଜ ନାଁରେ କରିବାକୁ ହେବ ।
ଆହୁରି ମଧ୍ୟ କୋହଲି କହିଛନ୍ତି ଯେ, ଧଳା ବଲ୍ କ୍ରିକେଟରେ ଆମେ ଭଲ ଖେଳୁ । ଗତ ଶୃଙ୍ଖଳା ଜିତିଛୁ ଓ ଏହା ପୂର୍ବ ସିରିଜ ବି ଜିତିଛୁ । ଟି -20 ବିଶ୍ବକପ୍ ପୂର୍ବରୁ ଆମ ପାଖରେ 5ଟି ସିରିଜ ଅଛି ।
