ନୂଆଦିଲ୍ଲୀ: ଚଳିତ ଆଇପିଏଲ ସିଜିନରେ ଖରାପ ପ୍ରଦର୍ଶନ ଜାରି ରଖିଛିକୋହଲିଙ୍କ ଦଳ ଆରସିବି। ମାତ୍ର ଖରାପ ପ୍ରଦର୍ଶନ ସତ୍ବେ ବି କୋହଲି ଏକ କୃତିତ୍ବ ଲାଭ କରିଛନ୍ତି । ସେ ଆରସିବି ପାଇଁମଙ୍ଗଳବାର 100 ତମ ମ୍ୟାଚରେ ଅଧିନାୟକତ୍ବ କରିଛନ୍ତି ।
ଏହି ଧାରାରେ ଆଇପିଏଲରେ ସେ 3ୟ ଭାରତୀୟ ଅଧିନାୟକ ବନିଛନ୍ତି । ତାଙ୍କ ପୂର୍ବରୁ ଏହି ତାଲିକାରେ ସାମିଲ ହୋଇ ସାରିଛନ୍ତି ଚେନ୍ନାଇ ଅଧିନାୟକ ମହେନ୍ଦ୍ର ସିଂ ଧୋନି ଓ କେକେଆରର ପୂର୍ବତନ ଅଧିନାୟକ ଗୌତମ ଗମ୍ଭୀର । କୋହଲି ନିଜ ଆଇପିଏଲ କ୍ୟାରିଅରରେ 167ଟି ମ୍ୟାଚ ଖେଳି ସାରିଛନ୍ତି । ତେବେ 2011 ମସିଆରୁ ଆରସିବିର ଅଧିନାୟକତ୍ବ କରି ଆସୁଛନ୍ତି କୋହଲି । ମଙ୍ଗଳବାରଜୟପୁରରେ ଖେଳାଯାଇଥିବା ମ୍ୟାଚ ଅଧିନାୟକତ୍ବ କରିବାରେ କୋହଲିଙ୍କ 100ତମ ମ୍ୟାଚ।
ସେହିଭଳି ଧୋନି ଲିଡ କରିଥିବା 162 ମ୍ୟାଚରୁ 148ଟି ମ୍ୟାଚ ଚେନ୍ନାଇ ପାଇଁ କରିଛନ୍ତି । ବାକି କିଛି ମ୍ୟାଚ ରାଇଜିଂ ପୁନେ ପାଇଁ ଅଧିନାୟକତ୍ବ କରିଛନ୍ତି ।
