ଲଣ୍ଡନ: କ୍ରିକେଟର ଓ ଫ୍ୟାନ୍ସଙ୍କ ପରେ ବିରାଟ କୋହଲିଙ୍କ ପ୍ରଶଂସାରେ ଅନ୍ତର୍ଜାତୀୟ ଅମ୍ପାୟାର ଇଆନ ଗୁଲଡ୍ । ବିରାଟଙ୍କ ଫିଟନେସ୍ ର ଫ୍ୟାନ ହେବା ସହ ଜଣେ ପୁରୁଷ ମଡେଲଙ୍କ ପରି ଲାଗୁଛନ୍ତି ବୋଲି କହିଛନ୍ତି ଅମ୍ପାୟାର ଗୁଲଡ୍ ।
2019 ଆଇିସିସି ଅମ୍ପାୟାର ପ୍ୟାନେଲରୁ ଗତବର୍ଷ ଅବସର ନେଇଛନ୍ତି ଇଆନ ଗୁଲଡ । 13ବର୍ଷର ଅମ୍ପାୟାରିଂ କ୍ୟାରିୟର ମଧ୍ୟରେ, ସେ 250ରୁ ଅଧିକ ଅନ୍ତର୍ଜାତୀୟ ମ୍ୟାଚ ପରିଚାଳନା କରିଛନ୍ତି ।
ଭାରତ-ପାକିସ୍ତାନ ହାଇଭୋଲଟେଜ ମ୍ୟାଚ କିମ୍ବା ବିଶ୍ବକପ ଭଳି ଆଇସିସି ଟୁର୍ଣ୍ଣାମେଣ୍ଟର ଗୁରୁତବପୂର୍ଣ୍ଣ ମ୍ୟାଚରେ ଇଆନ ଗୁଲଡ ସ୍ବଚ୍ଛ ମ୍ୟାଚ ପରିଚାଳନା ପାଇଁ ପ୍ରଶଂସିତ ହୋଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
