ହାଇଦ୍ରାବାଦ: ପ୍ରଣ୍ଟଫୁଟ ନୋ-ବଲକୁ ନେଇ ଆଇସିସିର ନୂଆ ନିୟମ । ଏଣିକି ଫିଲ୍ଡରେ ଥିବା ଅମ୍ପାୟାର ଫ୍ରଣ୍ଟ ଫୁଟ ନୋ-ବଲ ନେଇ ନିର୍ଣ୍ଣୟ କରିବେ ନାହିଁ । 3ୟ ଅମ୍ପାୟାର ବା ଟିଭି ଅମ୍ପାୟାର ଫିଲ୍ଡ ଅମ୍ପାୟରଙ୍କ ସହ କଥା ହୋଇ ନିଷ୍ପତ୍ତି ଜଣାଇବେ ।
ଏହି ନିୟମ ଭାରତ-ୱେଷ୍ଟଇଣ୍ଡିଜ ଟି20 ସିରିଜରୁ ଲାଗୁ ହେବ । ଚଳିତ ବର୍ଷ ଅଗଷ୍ଟ ମାସରେ ଆଇସିସି ପକ୍ଷରୁ ନିଷ୍ପତ୍ତି ହୋଇଥିଲା । ଏନେଇ ଆଇସିସି ପକ୍ଷରୁ ଟ୍ବିଟ କରାଯାଇ ସୂଚନା ଦିଆଯାଇଛି ।
ଏହି ନିୟମ ଅନୁଯାୟୀ 3ୟ ଅମ୍ପାୟାର ପ୍ରତ୍ୟେକ ବଲ ବୋଲିଂ ପରେ ନଜର ରଖିବେ । ତେବେ ଏହି ନୂଆ ନୀୟମ ଅନୁଯାୟୀ ଫିଲ୍ଡ ଅମ୍ପାୟାର ନିଜ ଇଛାରେ କୌଣସି ବଲକୁ ନୋ-ବଲ କରାଇ ପାରବେ ନାହିଁ । ବେନିଫିଟ ଅଫ ଡାଉଟର ଫାଇଦା ବୋଲରଙ୍କ ସପକ୍ଷରେ ଯିବା ନେଇ ସ୍ପଷ୍ଟ ହୋଇଛି । ଏହି ନିୟମକୁ ଲାଗୁ ପାଇଁ ପୂର୍ବରୁ 2016ରେ ଇଂଲଣ୍ଡ-ପାକିସ୍ତାନ ଦିନିକିଆ ସିରିଜର ପରୀକ୍ଷା ମୂଳକ ଭାବେ ବ୍ୟବହାର କରାଯାଇଥିଲା । ଏହାପରେ ଟି20 କ୍ରିକେଟରେ ପରୀକ୍ଷା ମୂଳକ ଭାରତ-ୱେଷ୍ଟଇଣ୍ଡିଜ ସିରିଜରେ ଏହି ନିୟମ ଲାଗୁ ହେଉଛି ।
