ଜୋହାନସବର୍ଗ: ଅବସରରୁ ଫେରିବେ ଷ୍ଟାର ଦକ୍ଷିଣ ଆଫ୍ରିକା ବ୍ୟାଟ୍ସମ୍ୟାନ ଏବି ଡିଭିଲିଅର୍ସ । ଏନେଇ ସ୍ପଷ୍ଟ କିରଛନ୍ତି କ୍ୟାପଟେନ ଫାଫ ଡୁପ୍ଳେସିସ । ନୂଆକରି କୋଚ ଦାୟିତ୍ବ ସମ୍ଭାଳିଥିବା ପୂର୍ବତନ କ୍ରିକେଟର ପ୍ରଥମେ ଡିଭଲିଅର୍ସଙ୍କ ଫେରିବା ନେଇ ସୂଚନା ଦେଇଥିଲେ ।
ଡିଭିଲିଅର୍ସ ଅଷ୍ଟ୍ରେଲିଆରେ ଖେଳାଯିବାକୁ ଥିବା ଆଗାମୀ ଟି20 ବିଶ୍ବକପରେ ଦକ୍ଷିଣ ଆଫ୍ରିକା ଦଳର ପ୍ରମୁଖ ଖେଳାଳି ହେବେ । ଡୁପ୍ଳେସିସ କହିଛନ୍ତି ସମସ୍ତେ ଚାହାଁନ୍ତି ବିସ୍ପୋରକ ବ୍ୟାଟ୍ସମ୍ୟାନ ଦଳକୁ ଫେରନ୍ତୁ । ବିଶ୍ବକପ ଭଳି ଟୁର୍ଣ୍ଣାମେଣ୍ଟରେ ଡିଭିଲିୟର୍ସଙ୍କ ଉପସ୍ଥିତି ଦଳର ପ୍ରଦର୍ଶନ ଉପରେ ସକରାତ୍ମକ ପ୍ରଭାବ ପକାଇବ ।
ଡିଭିଲିଅର୍ସ ଦକ୍ଷିଣ ଆଫ୍ରିକା ପାଇଁ 78ଟି ଟି20 ମ୍ୟାଚରୁ 135.16 ଷ୍ଟ୍ରାଇକ ରେଟ ସହ 1672 ରନ ସଂଗ୍ରହ କରିଛନ୍ତି । ନିକଟରେ ଶେଷ ହୋଇଥିବା ଏମଏସଏଲ ଟୁର୍ଣ୍ଣାମେଣ୍ଟରେ 9ଟି ମ୍ୟାଚରୁ 4ଟି ଅର୍ଧଶତକ ସହ 325 ରନ କରି ଫର୍ମରେ ରହିଛନ୍ତି ।
