ଲଣ୍ଡନ: ୱେଷ୍ଟଇଣ୍ଡିଜ ବିପକ୍ଷ ପ୍ରଥମ ଟେଷ୍ଟରେ ଇଂଲଣ୍ଡ ଟିମର କ୍ୟାପଟେନ ଭାର ସମ୍ଭାଳିବେ ବେନ ଷ୍ଟୋକ୍ସ । ନିୟମିତ ଟେଷ୍ଟ କ୍ୟାପଟେନ ଜୋ ରୁଟ ଦ୍ବିତୀୟ ସନ୍ତାନର ପିତା ହେବାକୁ ଯାଉଥିବାରୁ ପରିବାର ସହ ରହିଛନ୍ତି । ଫଳରେ ତାଙ୍କର ଅନୁପସ୍ଥିତି ଯୋଗୁଁ ଅଲରାଉଣ୍ଡର ଷ୍ଟୋକ୍ସଙ୍କୁ ଇଂଲଣ୍ଡର କ୍ୟାପଟେନ ଭାବେ ମଙ୍ଗଳବାର ଇସିବି ପକ୍ଷରୁ ଘୋଷଣା କରାଯାଇଛି ।
ଏନେଇ ଇଂଲଣ୍ଡ କୋଚ କ୍ରିସ ସିଲଭରଉଡ ଷ୍ଟୋକ୍ସ କ୍ୟାପଟେନ ଦାୟିତ୍ବ ସଠିକ ତୁଲାଇବେ ବୋଲି ବିଶ୍ବାସ ରଖିଛନ୍ତି । ତେବେ ଷ୍ଟୋକ୍ସ ନିଜ ଅନ୍ତର୍ଜାତୀୟ କ୍ରିକେଟ କ୍ୟାରିୟରରେ ପ୍ରଥମ ଥର ଜାତୀୟ ଦଳର ନେତୃତ୍ବ ନେବେ ।
ଜୁଲାଇ 8ରୁ ୱେଷ୍ଟଇଣ୍ଡିଜ ବିପକ୍ଷରେ ପ୍ରଥମ ଟେଷ୍ଟ ଆରମ୍ଭ ହେବ ।
