ହାଇଦ୍ରାବାଦ: କାରବିଆନ ମାଟିରେ ଆଉ ଏକ ଇତିହାସ ରଚିଲେ ହିଟମ୍ୟାନ ରୋହିତ ଶର୍ମା । ହିଟ କଲେ ଟି-20 କ୍ରିକେଟରେ ସର୍ବାଧିକ ଛକା । ଭାଙ୍ଗିଲେ ଗେଲଙ୍କ ରେକର୍ଡ । ବସିଲେ ତାଲିକାର ଶୀର୍ଷରେ । ୱେଷ୍ଟଇଣ୍ଡିଜର ସେଣ୍ଟ୍ରାଲ ବ୍ରୋଡ ରିଜୋନାଲ ପାର୍କ ଟ୍ରୁଫ୍ ଗ୍ରାଉଣ୍ଡରେ ଚାଲିଥିବା 2ୟ ଟି-20 ମୁକାବିଲାରେ 3ଟି ଛକା ମାରି ରୋହିତ ଏହି ରେକର୍ଡର ଅଧିକାରୀ ହୋଇଛନ୍ତି ।
ତେବେ ପ୍ରଥମେ ଟି-20ରେ ସର୍ବାଧିକ ଛକାର ରେକର୍ଡ ଗେଲଙ୍କ ନାମରେ ଥିଲା । ଯେବେକି ରୋହିତ୍ ଗେଲଙ୍କଠାରୁ ମାତ୍ର 4ଟି ଛକା ଦୂରରେ ରହିଥିଲେ । ପ୍ରଥମ ଟି-20ରେ ଗୋଟିଏ ଛକା ମାରିଥିବା ବେଳେ ଆଜି 3ଟି ଛକା ମାରି ଏହି ରେକର୍ଡର ଅଧିକାରୀ ହୋଇଛନ୍ତି । ରୋହିତ୍ ଏବେ 96ଟି ମ୍ୟାଚରୁ 106ଟି ଛକା ମାରି ସାରିଛନ୍ତି । ତେବେ ଗେଲ୍ 105ଟି ଛକା ମାରିଛନ୍ତି ।
ଗେଲ୍ ମାତ୍ର 58ଟି ମ୍ୟାଚରେ 105ଟି ଛକା ମାରିଛନ୍ତି । ତାଙ୍କ ପରେ 2ୟରେ ଅଛନ୍ତି ନ୍ୟୁଜିଲାଣ୍ଡର ମାର୍ଟିନ୍ ଗପ୍ଟିଲ୍ । ସେ 76ଟି ମ୍ୟାଚରୁ 103ଟି ଛକା ମାରିଛନ୍ତି ।
