କଟକ: ସୟଦ ମୁସ୍ତାକ ଅଲି ଟି-20ରେ ଓଡିଶାକୁ 6 ୱେକେଟରେ ହରାଇଲା ଗୁଜୁରାଟ। ଗତ ଶୁକ୍ରବାର ଦିନ ସୁରଟ ଠାରେ ଖେଳାଯାଇଥିବା ଲୋ ସ୍କୋରିଂ ମ୍ୟାଚକୁ ଖୁବ ସହଜରେ ଜିତି ନେଇଛି ଗୁଜୁରାଟ । ଏହି ବିଜୟ ସହ ଗୁଜୁରାଟ ଇ ଗ୍ରୁପର 2ୟସ୍ଥାନରେ ରହିଥିଲା ବେଳେ ଓଡିଶା ପାଞ୍ଚ ମ୍ୟାଚରୁ 2ଟି ବିଜୟ ସହ ଷଷ୍ଠ ସ୍ଥାନରେ ରହିଛି ।
ଟିସ ଜିତି ପ୍ରଥମେ ବ୍ୟାଟିଂ କରିଥିବା ଓଡିଶାଦଳ ନିୟମିତ ଆଧାରରେ ୱିକେଟ ହରାଇଥିଲା । ନିର୍ଦ୍ଧାରିତ ଓଭର ମଧ୍ୟ ଖେଳିବାର ଅସମର୍ଥ ହୋଇଥିଲା ଓଡିଶା । ମାତ୍ର 18.1 ଓଭର ରେ ହିଁ ସମସ୍ତ ୱିକେଟ ହରାଇ ଦଳ 101 ରନ କରିବାକୁ ସକ୍ଷମ ହୋଇଥିଲା । ଦଳ ପକ୍ଷରୁ ଅଧିନାୟକ ଶୁଭ୍ରାଂଶୁ ସେନାପତି ସର୍ବାଧିକ 32 ରନ କରିଥିଲା ବେଳେ ,ବିପ୍ଳବ ସାମନ୍ତରାୟ 31 ରନ କରିଥିଲେ । ଗୁଜୁରାଟ ପକ୍ଷରୁ ରୁଷ କାଲରିଆ ଓ ପୀୟୂଷ ଚାୱଲା 3ଟି ଲେଖାଏଁ ୱେକେଟ ନେଇ ଓଡିଶା ରଣନୀତିକୁ ଧୂଳିସାତ କରିଥିଲେ ।
ଅନ୍ୟପଟେ ଗୁଜୁରାଟ ଦଳ 102ରନର ବିଜୟଲକ୍ଷ୍ୟକୁ ପିଛା କରି 16.1 ଓଭରରେ 4 ଓ୍ବିକେଟ ହରାଇ ବିଜୟ ହାସଲ କରିଥିଲା ଗୁଜୁରାଟ । ଦଳ ପକ୍ଷରୁ ଭାର୍ଗବ ସର୍ବାଧିକ 48 , ପ୍ରିୟଙ୍କ ପାଞ୍ଚଲ 37 ଓ ଚିରାଗ ଗାନ୍ଧୀ 13 ରନ ହାସଲ କରିଥିଲେ।
କଟକରୁ ପ୍ରଭୁକଲ୍ୟାଣ ପାଲ୍, ଇଟିଭି ଭାରତ
:
