ନୂଆଦିଲ୍ଲୀ: କ୍ରିକେଟରୁ ଲମ୍ବା ସମୟ ଧରି ମହେନ୍ଦ୍ର ସିଂ ଧୋନି ଦୂରେଇ ରହିଛନ୍ତି । ଏହାକୁ ନେଇ ଲିଟିଲ ମାଷ୍ଟର ସୁନୀଲ ଗାଭାସ୍କର ପ୍ରଶ୍ନ ଉଠାଇଛନ୍ତି । କୌଣସି ଭାରତୀୟ କ୍ରିକେଟର ଏପରି କରିଛନ୍ତି କି ବୋଲି ପ୍ରଶ୍ନ କରିଛନ୍ତି ଗାଭାସ୍କର ।
ଏଥିସହିତ ଅଷ୍ଟ୍ରେଲିଆରେ ଖେଳାଯିବାକୁ ଥିବା 2020 ଟି20 ବିଶ୍ବକପରେ ଧୋନି ଖେଳିବା ନେଇ ମତ ରଖିଛନ୍ତି ସୁନୀଲ ଗାଭାସ୍କର । ଧୋନିଙ୍କ ଫିଟନେସ ଓ ଫର୍ମ ଟି20 ବିଶ୍ବକପ ଟିମରେ ସ୍ଥାନ ପାଇବା ନେଇ ସ୍ଥିର କରିବ । 26 ତମ ଲାଲ ବାହାଦୂର ଶାସ୍ତ୍ରୀ ସ୍ମାରକୀ କାର୍ଯ୍ୟକ୍ରମରେ ଯୋଗଦେଇ ଏହା କହିଛନ୍ତି ସୁନୀଲ ଗାଭାସ୍କର ।
ଜୁଲାଇ 2019ରେ ବିଶ୍ବକପ ସେମିଫାଇନାଲରେ ଭାରତ ପରାଜୟ ସହ ବିଦାୟ ନେବାପରେ ଧୋନି କ୍ରିକେଟରୁ ଦୂରରେ ରହିଛନ୍ତି । ଏହାପରେ ତାଙ୍କ ଅବସରକୁ ନେଇ ଅନେକ ହୋଇଥିଲେ ମଧ୍ୟ ଧୋନି କୌଣସି ପ୍ରତିକ୍ରିୟା ରଖିନାହିଁନ୍ତି । ତେବେ ଦିନିକିଆ କ୍ରିକେଟରୁ ଧୋନି ଶୀଘ୍ର ଅବସର ନେଇପାରନ୍ତି ବୋଲି ସଙ୍କେତ ଦେଇଥିଲେ କୋଚ ରବିଶାସ୍ତ୍ରୀ ।
