ନୂଆଦିଲ୍ଲୀ: ଇଣ୍ଡିଆନ ପ୍ରିମିୟର ଲିଗର 14ତମ ସଂସ୍କରଣର ଆୟୋଜନ ଆହ୍ବାନପୂର୍ଣ୍ଣ ରହିଛି । ମହାମାରୀ କୋରୋନା ଖେଳାଳିଙ୍କ କ୍ୟାମ୍ପରୁ ମଧ୍ୟ ବାଦ ପଡିନି । କୋରୋନା ଭାଇରସ ସଂକ୍ରମଣ ମାମଲା ଚେନ୍ନାଇ ଓ ମୁମ୍ବାଇରୁ ଆସିଛି । ଏହି ଦୁଇଟି ଭେନ୍ୟୁରେ ଆଇପିଏଲର ପ୍ରଥମ ପର୍ଯ୍ୟାୟ ମ୍ୟାଚ ଖେଳାଯିବା ନେଇ ସୂଚୀ ରହିଛି । ଏପରି କଠିନ ସମୟରେ ଲିଗ୍ ଆରମ୍ଭ ହେଉଥିବାରୁ ପ୍ରଶ୍ନଘେରରେ ମଧ୍ୟ ରହିଛି ।
ମାତ୍ର ଷ୍ଟାର ଇଣ୍ଡିଆ ସ୍ପୋର୍ଟ୍ସ ମୁଖ୍ୟ ସଞ୍ଜୋଗ ଗୁପ୍ତା କହିଛନ୍ତି, ସଫଳ ଆଇପିଏଲ ଆୟୋଜନ ଦେଶ ଆବଶ୍ୟକ କରେ । କାରଣ ୟୁଏଇରେ ଆଇପିଏଲର 13ତମ ସଂସ୍କରଣ ଆୟୋଜନ ପରେ ଦେଶରେ କିପରି ସବୁକିଛି ସାଧାରଣ ହୋଇଯାଇଥିଲା ।
"ବିସିସିଆଇ ଏହି ସଂସ୍କରଣ ଭାରତରେ କରାଇବାର ବିସିସିଆଇର ନିଷ୍ପତ୍ତି ବେଶ ଗୁରୁତ୍ବପୂର୍ଣ୍ଣ ଥିଲା କାରଣ ଏହା ଫ୍ରାଞ୍ଚାଇଜ ମାନଙ୍କୁ ଫାଇଦା ପହଞ୍ଚାଇବ । ବିଭିନ୍ନ ବ୍ରାଣ୍ଡ ଓ ସ୍ପନସର ଆଶା ଅନୁଯାୟୀ, ସଫଳ ହୋଇପାରିବେ । ଷ୍ଟାଡିୟମରେ ଦର୍ଶକଙ୍କୁ ବାରଣ କରାଯାଇଛି, ମାତ୍ର କିଛି ମାତ୍ରାରେ ବିସିସିଆଇର ଗ୍ରାଉଣ୍ଡ ସ୍ପନସର ଓ ଟିମ ସ୍ପନସରଙ୍କୁ ସୁଯୋଗ ମିଳିପାରେ" ବୋଲି ସେ କହିଛନ୍ତି ।
ଆଇପିଏଲର ସଫଳ ଆୟୋଜନ ମଧ୍ୟ ଚଳିତ ବର୍ଷ ଶେଷ ଭାଗରେ ଭାରତ ଆୟୋଜନ କରିବାକୁ ଥିବା ଟି20 ବିଶ୍ବକପ ପାଇଁ ଆତ୍ମବିଶ୍ବାସ ବୃଦ୍ଧି କରିବ କହିଛନ୍ତି ସଞ୍ଜୋଗ ଗୁପ୍ତା ।
ବ୍ୟୁରୋ ରିପୋର୍ଟ, ଇଟିଭି ଭାରତ
