ଲଣ୍ଡନ: ବାସନ୍ଦ ପରେ ଅନ୍ତର୍ଜାତୀୟ କ୍ରିକେଟକୁ ଫେରିଥିବା ଅଷ୍ଟ୍ରେଲିଆର ଅଭିଜ୍ଞ ବ୍ୟାଟ୍ସମ୍ୟାନ୍ ଡେଭିଡ୍ ୱାର୍ଣ୍ଣରଙ୍କ ଥ୍ରୀଲର ବ୍ୟାଟିଂ ଶୋ’ ଶେଷ ହୋଇଛି । ଚଳିତ ଆସେସ ଟେଷ୍ଟର ଶେଷ ମ୍ୟାଚରେ 11 ରନ କରି ଷ୍ଟୁଆର୍ଟ ବ୍ରଡଙ୍କ ବଲରେ ଆଉଟ ହୋଇଛନ୍ତି ୱାର୍ଣ୍ଣର । ତେବେ ସିରିଜର 10ଟି ଇଂନିସରୁ 7ଥର ୱାର୍ଣ୍ଣରଙ୍କୁ ଆଉଟ କରି ଏକ ବିରଳ ରେକର୍ଡର ଅଧିକାରୀ ହୋଇଛନ୍ତି ଷ୍ଟୁଆର୍ଟ ବ୍ରଡ ।
ତେବେ ଏହି ବିରଳ ରେକର୍ଡ ତାଲିକାରେ କେବଳ 6 ଜଣ ବୋଲର ହିଁ କୌଣସି ଜଣେ ବ୍ୟାଟ୍ସମ୍ୟାନଙ୍କୁ ଗୋଟିଏ ସିରିଜରେ 7 ଥର ଆଉଟ୍ କରିଛନ୍ତି । ବ୍ରଡ୍ ଏବେ ଏହି ତାଲିକାରେ ସାମିଲ ହୋଇଛନ୍ତି । ତେବେ ଚଳିତ ଆସେସ ସିରିଜରେ ସମସ୍ତ 5ଟି ମ୍ୟାଚରେ ବ୍ୟାଟିଂ କରି ୱାର୍ଣ୍ଣର ମାତ୍ର 95ରନ କରିପାରିଛନ୍ତି । ବ୍ରଡଙ୍କ ବ୍ୟବୀତ ୱାର୍ଣ୍ଣରଙ୍କୁ ଚଳିତ ସିରିଜରେ ବାକି 3ଥର ଜୋଫ୍ରା ଆର୍ଚର୍ ଆଉଟ୍ କରିଛନ୍ତି ।
